Dárigerler Pavlodar-Astana jolynda kólik apatyna túsken balalardyń jaǵdaıy týraly aıtty.
-«Astana-Ereımentaý-Shiderti» avtojolynyń 154-shi shaqyrymynda bolǵan jol-kólik apatynan 1990 jyly týǵan er azamat qaıtys boldy. Kámelet jasyna tolmaǵan jeti jasóspirim aýrýhanaǵa jatqyzyldy. Olardyń bireý jansaqtaý bóliminde. Balany oblystyq neırohırýrg qarap shyǵyp, sımptomatıkalyq em taǵaıyndaldy. О́zge alty bala jeńil jáne ortasha aýyrlyqta jaraqat alǵan, barlyǵy hırýrgııalyq bólimshege jatqyzyldy. Jaraqattan aman qalǵan toǵyz bala aýrýhananyń stasıonaryna ornalastyryldy,-dep málimdedi Ereımentaý aýdandyq aýrýhanasynan.
Dárigerler qazirgi ýaqytta stasıonarda tórt bala qalǵanyn, olar óz ata-analaryn kútýde ekenin jetkizdi.
«Barlyq medısınalyq jáne uıymdastyrý is-sharalary qabyldandy. Aýrýhanada em qabyldap jatqan balalardyń jaǵdaılary turaqty. Jaǵdaı Aqmola oblystyq densaýlyq saqtaý basqarmasynyń baqylaýynda», dep habarlady aýrýhanadan.
Al Pavlodar oblysy ákiminiń baspasóz qyzmeti óńirlik dene shynyqtyrý jáne sport basqarmasy men quqyq qorǵaý organdarynyń ókilderi oqıǵa ornyna barǵanyn habarlady.
«Balalardy alyp kelý úshin kólik uıymdastyrylǵan. Biraq ata-analar balalaryn óz betimen alyp ketip jatyr»,-dep málimdedi oblys ákiminiń baspasóz qyzmetinen.
