Ol qashyqtan jumys isteıtin jáne jumysty saıahatpen biriktiretin sheteldik azamattarǵa arnalǵan.
Týrızm jáne sport mınıstrliginiń málimetinshe, vıza engizilgennen beri Qazaqstan Respýblıkasynyń sheteldegi konsýldyq mekemeleri 11 sheteldikke vıza bergen, onyń ishinde Ulybrıtanııa, Ońtústik Koreıa, Sıngapýr, AQSh, Portýgalııa azamattary bar.
Bul vıza shetel azamattaryna jumysqa ornalasý quqyǵynsyz uzaq merzimge el boıynsha saıahattaýǵa múmkindik beredi.
Neo Nomad vızasyn alý úshin Qazaqstan Respýblıkasynyń sheteldegi mekemesine birneshe qujattardy tapsyrý qajet:
- 3000 AQSh dollarynan asatyn aılyq kiristi rastaıtyn sońǵy 6 aıdaǵy bank úzindisi;
- Azamattyǵy bar eldiń quzyretti organy bergen salyq deklarasııasy;
- Azamattyq nemese turaqty ómir súretin eldiń organy bergen sottylyǵynyń joqtyǵy týraly anyqtama;
- Vızanyń jaramdy merzimine medısınalyq saqtandyrý;
- Qazaqstandaǵy týrıstik kompanııanyń shaqyrtýy (48 eldiń azamattary úshin talap etilmeıdi).
Neo Nomad vızasyna ótinish berý prosesi 5 jumys kúninen aspaıdy.
Vıza 1 jylǵa deıingi merzimge beriledi jáne uzartylýy múmkin. Negizgi ótinish berýshiniń otbasy músheleri de vıza alýǵa quqyly.
Aıta ketý kerek, bul vıza Qazaqstanda jumysqa ornalasý múmkindigin qarastyrmaıdy. Qazaqstan Respýblıkasy Salyq kodeksiniń 216-babyna sáıkes Neo Nomad Visa ıesi Qazaqstanda salyq tóleýge mindetti emes, óıtkeni onyń tabys kózi elden tys jerde.
