Foto: t.me/dina_tansari
Agenttiktiń habarlaýynsha, 15 sáýirde Chernogorııa soty Dına Tańsárini bul elden baspana suraǵan ótinishi qaralmaǵandyqtan qamaýdan bosatqan.
«Qazaqstan Respýblıkasy men Chernogorııa Respýblıkasy arasynda ustap berý týraly halyqaralyq shart bolmaǵandyqtan, ony ekstradısııalaý týraly sheshimdi Chernogorııanyń quzyretti organdary olardyń ulttyq zańnamasyna sáıkes qabyldaıdy», dep habarlady Bas prokýratýra.
Qazirgi tańda Qazaqstanda Dına Tańsárige qatysty qylmystyq is boıynsha sotqa deıingi tergeý merzimi úzildi.
Aıta keteıik, 2024 jyldyń jeltoqsan aıynda Almaty qalasynyń, Shyǵys Qazaqstan jáne Almaty oblystarynyń polısııa departamenti Dına Tańsárige qatysty kórineý jalǵan aqparat taratý, jeke ómirge qol suǵý, onyń ishinde eki alaıaqtyq faktileri boıynsha alty qylmystyq is qozǵap, tergep jatqany belgili boldy.
