Foto: https://ria.ru/
Mash Telegram-arnasynyń málimetinshe, sheber 22 sáýirge qaraǵan túni júrek soǵysynyń toqtaýynan qaıtys bolǵan.
Zýrab Konstantınovıch Seretelı 1934 jyly 4 qańtarda Tbılısıde dúnıege kelgen. Ol Tbılısı kórkemóner akademııasynda bilim alǵan. Onyń shyǵarmashylyq joly qoǵamdyq keńistikter men sáýlettik keshenderdi bezendirýden bastalyp, álemdik deńgeıdegi monýmentaldy týyndylarǵa ulasqan.
Seretelı 5000-nan astam týyndy jasap, álemniń túrli elderinde óz qoltańbasyn qaldyrǵan. Máskeýdegi «Dostyq máńgilik» kompozısııasy, Nıý-Iorktegi BUU ǵımaraty aldynda ornatylǵan «Jaqsylyq jamandyqty jeńedi» músini jáne Sevılıadaǵy «Jańa adamnyń dúnıege kelýi» sııaqty týyndylar – onyń shyǵarmashylyq sheberliginiń aıqyn dáleli.
