Qazirgi jahandaný men básekelestik jaǵdaıynda ýnıversıtetter zaman talabyna saı ózgerister men jańashyldyqqa ıkemdi bolýy tıis.
Qazaqstan Respýblıkasynyń Prezıdent Qasym-Jomart Toqaev Qazaqstan halqyna kezekti Joldaýynda: «Joǵary oqý oryndary janyndaǵy endaýment-qorlar bilim berý ekojúıesin damytýdyń negizgi býynyna aınalýǵa tıis. Maqsatty kapıtaldyń mundaı qorlary álemdegi ozyq ýnıversıtetterde ǵylymdy jáne ınnovasııany qarjylandyrýdyń ózegi sanalady», dep atap ótti.
Osy maqsatta úzdik dástúrlerdi jalǵastyra otyryp, bilim berýdi odan ári damytý úshin Abaı atyndaǵy Qazaq ulttyq pedagogıkalyq ýnıversıteti janynan «Abai Endowment Fund» Korporatıvtik qory quryldy.
Abaı endaýment qory - ýnıversıtettiń uzaq merzimdi strategııalyq damýynyń baǵdary. Qor arqyly biz bilim berý jáne ǵylymı jobalardy iske asyrý úshin turaqty qarjylyq qoldaýǵa ıe bolamyz.
«Abai Endowment Fund» Korporatıvtik qorynyń maqsaty - QazUPÝ - da ınnovasııalyq ǵylym men bilim berýdiń jańa qyrlaryn damytýǵa yqpal etý, ýnıversıtettik bilimniń mańyzdylyǵyn qoǵamǵa keńinen nasıhattaý jáne ǵalymdardy qoldaý. Qor qyzmeti aıasynda ýnıversıtet aýmaǵyn abattandyrý, kitaphana qoryn tolyqtyrý, ýnıversıtet ınfraqurylymyn damytý, stýdentterge ataýly granttar men shákirtaqylar taǵaıyndaý, qaıyrymdylyq sharalarǵa atsalysý, sondaı-aq bilim alýshylarǵa materıaldyq qoldaý kórsetý jumystary júzege asyrylady.
Abaı Endaýment qorynyń iske qosylýy bul qazaqstandyq joǵary bilim berý júıesi úshin mańyzdy oqıǵa. Abaı Ýnıversıteti álemniń úzdik tájirıbelerine súıene otyryp, Qazaqstanda ǵylym men bilim berýdi qarjylyq qoldaýdyń jańa mádenıetin qalyptastyrady.
Qurmetti Abaı atyndaǵy Qazaq ulttyq pedagogıkalyq ýnıversıtetiniń túlekteri, ustazdary men stýdentteri! Qadirli isker seriktester!
Sizderdi ǵasyrlyq tarıhy bar, elimizdiń tuńǵysh joǵary oqý orny - Abaı atyndaǵy Qazaq ulttyq pedagogıkalyq ýnıversıtetiniń Abaı Endaýment qoryn qoldaýǵa shaqyramyn!
Sizdiń úlesińiz - bul jaı ǵana kómek emes, bul bizdiń alma mater-diń bolashaǵyna ınvestısııa.
Dál osy qoldaýlaryńyz - bilim sapasyn jaqsartýǵa, ǵylymı zertteýlerdi damytýǵa, stýdentter men oqytýshylar úshin múmkindikter jasaýǵa, sondaı-aq Abaı ýnıversıtetiniń halyqaralyq arenadaǵy bedelin nyǵaıtýǵa múmkindik beredi.
Abaı Endaýment qoryn qoldaý - ultymyzdyń jarqyn bolashaǵyna ınvestısııa jasaý!
Janatbek IShPEKBAEV
«Abaı atyndaǵy Qazaq ulttyq
pedagogıkalyq ýnıversıteti»KeAQ
Rektor Apparatynyń bacshysy,
Sh.Ýálıhanov atyndaǵy syılyqtyń laýreaty
saıası ǵylymdarynyń kandıdaty, professor
