Joǵary Sot Keńesiniń Tóraǵasy D. Malahov óz sózinde Akademııanyń vedomstvolyq baǵynystylyǵynyń ózgerýi — Qazaqstannyń sot júıesi úshin kadrlar daıarlaý sapasyn kúsheıtýge baǵyttalǵan tıimdi tásilderdi ázirleý jónindegi jańa strategııalyq sheshim bolatynyn atap ótti.
«Akademııanyń bilim berý baǵdarlamalary qazirgi zamanǵy talaptarǵa saı bolyp qana qoımaı, olardan ozyp, ózekti jáne suranysqa ıe bolýy kerek», deıdi ol.
Sot tóreligi akademııasynyń vıse-rektory Q. Mýsın Akademııanyń Joǵarǵy Sottan Joǵary Sot Keńesiniń qaraýyna berilgen sátten bergi qyzmeti týraly prezentasııany usyndy. Ol atalǵan oqý ornynyń negizgi jetistikteri men jumysynda qoldanylatyn jańa tásilderin atap ótti.
Joǵary Sot Keńesi Sot tóreligi akademııasymen birlesip bolashaq sýdıalardy daıarlaý sapasyn arttyrý boıynsha júıeli jumys júrgizip keledi. Bul baǵyttaǵy mańyzdy qadam Keńes Tóraǵasy Dmıtrıı Malahovtyń Sot tóreligi akademııasynyń 2025-2027 jyldarǵa arnalǵan damý Tujyrymdamasyn bekitýi boldy, onyń sheńberinde bastamalardyń tutas kesheni iske asyrylyp jatyr. Olardyń qatarynda krımınalıstıkalyq polıgon ashý, Akademııanyń ǵylymı qyzmet sýbektisi retinde akkredıtasııa alýy, Akademııanyń jańartylǵan ǵylymı jýrnalynyń shyǵýy, sondaı-aq ǵylymı-pedagogıkalyq magıstratýra men doktorantýrany ashýǵa daıyndyq kiredi.
Keńeske qatysýshylar elimizdiń kásibı sýdıalar korpýsynyń áleýetin odan ári nyǵaıtý úshin qabyldanyp jatqan sharalar men jańa tásilderdiń tıimdiligin aıtyp, atalǵan jumysty odan ári jalǵastyrý kerektigin atap ótti.
Qabyldanǵan sharalardyń kesheni — ashyqtyqty qamtamasyz etýge, sot júıesi men Joǵary Sot Keńesiniń ımıdjin nyǵaıtýǵa, sondaı-aq qoǵam men azamattardyń jalpy sot tóreligine degen senim deńgeıin arttyrýǵa baǵyttalǵan.
Aıta keteıik, is-sharaǵa Qazaqstan Respýblıkasy Prezıdentiniń kómekshisi E.Jıenbaev, Qazaqstan Respýblıkasy Parlamenti Senaty men Májilisiniń turaqty Komıtetteriniń tóraǵalary N.Beknazarov pen S.Imasheva, Sot ákimshiliginiń basshysy N. Ahmetzakırov, sondaı-aq Parlamentiniń depýtattary, Prezıdenti Ákimshiligi, Sot ákimshiligi jáne Joǵary Sot Keńesi ókilderi qatysty.
