Qazaqstan Respýblıkasy О́nerkásip jáne qurylys mınıstrligi zańsyz óndirýge qarsy is-qımyl jónindegi buıryqty iske asyrý aıasynda múddeli memlekettik organdarmen birlese otyryp, kóshpeli tekserý jumystaryn belsendi júrgizip keledi.
Jaqynda Túrkistan, Jetisý, Shyǵys Qazaqstan jáne Abaı oblystaryndaǵy ken oryndarynda júrgizilgen reıdter barysynda qatty paıdaly qazbalardy zańsyz óndirý faktileri anyqtaldy. Tekserý nátıjeleri boıynsha barlyq materıaldar zań aıasynda tıisti sharalar qabyldaý úshin quqyq qorǵaý organdaryna joldandy.
Mınıstrlik qatty paıdaly qazbalar boıynsha jer qoınaýyn paıdalanýdy retteý salasyndaǵy ýákiletti organ retinde buzýshylyqtardy anyqtaý jáne aldyn alý sharalaryn dáıekti túrde júzege asyrady. Másele mınıstrdiń turaqty jeke baqylaýynda, ulttyq paıdaly qazbalardy zańsyz ıgerýden qorǵaý jumystary jalǵasady.
Mınıstrlik jer qoınaýyn utymdy jáne zańdy paıdalanýǵa jaýapkershilik salanyń turaqty damýynyń negizgi elementi ekenin atap kórsetedi.
