Jobanyń maqsaty – Jeńiske ólsheýsiz úles qosqan qazaqstandyqtardyń erligi men jankeshtiligi týraly bolashaq urpaqqa qundy aqparattardy jetkizý. Portalda keń kólemdi málimetter bazasy bar. Saıtta qazirdiń ózinde 677 myńnan asa soǵys ardageri, onyń ishinde 365 Keńes Odaǵynyń batyry, 4 eki márte Keńes Odaǵynyń batyry jáne 19 «Dańq» ordeniniń kavaleri týraly aqparat jınaqtalǵan. Interfeıs qajetti aqparatty tabýǵa ǵana emes, sonymen qatar ardager týystary týraly derekterdi qosýǵa, jańalyqtarmen tanysýǵa múmkindik beredi. Osylaısha, bul portal tarıhty bolashaq urpaq úshin saqtap, batyrlarǵa taǵzym etip, qurmet kórsetýge arnalǵan platforma qyzmetin atqarady.
Onlaın-portaldy paıdalanýshylar saıtqa maıdanger týysynyń tarıhyn, estelikterin, fotosýretterin, jańa málimetterin ońaı engize alady. Sondaı-aq batyrlar galereıasyn kóre alady. Saıtta qazirdiń ózinde kóptegen batyrdyń ómirbaıany jazylǵan galereıa bar. Kez kelgen qoldanýshy bul bólimnen olardyń ómiri men jasaǵan erlikteri týraly kóbirek aqparat alady. Veb-portalda ardagerlerge jáne jobaǵa qatysty jańalyqtar men oqıǵalar turaqty túrde jarııalanyp turady.
Aıta keteıik, Jeńistiń 80 jyldyǵyna oraı respýblıkada 200-den asa is-shara uıymdastyrylady.
