Májilis depýtattary elordadaǵy saıabaqtardyń birin kógaldandyrýǵa óz úlesterin qosty. Qalalyq senbilik barysynda depýtattar qaraǵaı kóshetterin otyrǵyzdy. Mundaı is-sharalar dástúrge aınaldy.
– «Taza Qazaqstan» – Memleket basshysy Qasym-Jomart Toqaevtyń aýqymdy ekologııalyq bastamasy. Ol búkil el kóleminde naǵyz qoǵamdyq qozǵalysqa aınaldy. Onyń maqsaty – tek aýmaqtardy tazalaý ǵana emes, qoǵamda taza ári ekologııalyq turmys saltyn qalyptastyrý. Aksııaǵa elimizdiń barlyq óńiri qoldaý kórsetti. Oǵan jastar, zeınetkerler, qoǵamdyq uıymdar men mekemelerdiń qyzmetkerleri qatysýda. Búgin biz depýtattarmen birge óz úlesimizdi qosyp, astanamyzda aǵashtar otyrǵyzdyq, – dedi Májilis tóraǵasy Erlan Qoshanov.
«Taza Qazaqstan» jobasy Prezıdenttiń bastamasymen bir jyl buryn bastaldy. Qalany kógaldandyrýǵa baǵyttalǵan bul naýqan Astanada «Jasyl aımaq» degen ataýmen ótýde.
