Jalpaq jurtqa ónege bolatyn aksııa Arshaly aýdanynda da jalǵasyn tapty. Is-sharaǵa oblys ákimi Marat Ahmetjanov ta qatysyp, Arshaly kentindegi dene shynyqtyrý-saýyqtyrý kesheniniń aýmaǵyna elmen birge 100 túpten astam qylqan japyraqty aǵash kóshetterin otyrǵyzdy.
–Elimizde ótip jatqan «Taza Qazaqstan» ekologııalyq aksııasy sheńberinde qyrýar jumystar atqarylýda, – dedi oblys ákimi, – bul – elimizdiń bolashaǵy men keler urpaqtyń saýlyǵy úshin jasalyp jatqan mańyzdy qadam. Memleket basshysy Qasym-Jomart Toqaev ta taıaýda ekofestıvalge qatysyp, halyqty tabıǵatty aıalap, týǵan jerdiń tazalyǵyn saqtaýǵa shaqyrdy. «Taza Qazaqstan» tek qoqys jınaý ǵana emes túptep kelgende ár adamnyń týǵan jerine degen janashyrlyǵy.
Aýdan turǵyndary da baǵaly bastamany biraýyzdan qoldap, mundaı sharanyń aıryqsha mańyzdy ekenin aıtýda. Sóz sońynda «Taza Qazaqstan» aksııasy aıasynda 2025 jylǵa deıin oblysta eki myń gektar aýmaqqa 14 mıllıon túp kóshet egý josparlanyp otyrǵandyǵyn aıta ketý paryz.
Aqmola oblysy.
