Forýmda Túrki mádenıeti jáne murasy qorynyń prezıdenti Aqtoty Raıymqulova is-sharanyń joǵary deńgeıde uıymdastyrylǵany, jyly qabyldaý men kórsetilgen qonaqjaılyq úshin О́zbekstan Respýblıkasynyń Prezıdenti Shavkat Mırzııoevke jáne О́zbekstan Respýblıkasynyń Mádenıet mınıstrligine alǵysyn bildirdi.
О́z sózinde Aqtoty Raıymqulova О́zbekstannyń jaqyn arada Túrki mádenıeti jáne murasy qoryna tolyqqandy múshe retinde qosylatyny týraly rızashylyǵyn bildirip, bylaı dep atap ótti:
«Bul qadam túrki álemindegi ıntegrasııany tereńdetip, ǵylymı, mádenı jáne aǵartýshylyq baǵyttaǵy birlesken bastamalar úshin jańa kókjıekter ashatyn mańyzdy kezeń bolady».
Forým qatysýshylaryna Qordyń túrki áleminiń baı mádenı murasyn saqtaý jáne ony halyqaralyq deńgeıde tanytý baǵytynda júzege asyryp jatqan negizgi jobalary tanystyryldy. Basym baǵyttar qatarynda – túrki halyqtary folklorynyń antologııasyn ázirleý, kóptildi sıfrlyq mura katalogyn jasaý, halyqaralyq konferensııalar men kórmeler uıymdastyrý, qaıta qalpyna keltirý jobalaryn qoldaý jáne Túrki mádenıeti men murasy ortalyqtaryn qurý erekshe atap ótildi. Qor О́zbekstan Respýblıkasynyń Mádenıet mınıstrliginiń qoldaýymen osyndaı ortalyqtardyń birin Tashkent qalasynda ashýǵa daıyn ekenin málimdedi.
Aqtoty Raıymqulova bul is-sharanyń baqsy ónerin ǵylymı turǵydan tereńirek zertteýge ǵana emes, sonymen qatar túrki memleketteri arasyndaǵy mádenı jáne rýhanı baılanystardy keńeıtýge baǵyttalǵanyn erekshe atap ótti.
Aıta ketý kerek, О́zbekstan Respýblıkasynyń Mádenıet mınıstrliginiń uıymdastyrýymen ótken Forýmǵa Ázerbaıjan Respýblıkasynyń mádenıet mınıstri, Qyrǵyz Respýblıkasynyń mádenıet mınıstriniń orynbasary, sondaı-aq ICESCO, TÜRKSOY, TÜRKPA, Túrki Akademııasy sekildi halyqaralyq uıymdardyń basshylary men ókilderi, belgili ǵalymdar, folklortanýshylar, baqsylar, túrki áleminiń mádenıet qaıratkerleri men buqaralyq aqparat quraldarynyń ókilderi qatysty.
