Júrgizilgen reıdter nátıjesinde stıhııalyq saýdanyń 75-ten astam núktesi joıylyp, josyqsyz kásipkerler jaýapqa tartyldy.
Megapolıste stıhııalyq saýda faktilerin anyqtaý jáne joıý, sondaı-aq zańsyz ornatylǵan saýda obektilerin bólshekteý jónindegi aýqymdy shara 15 sáýirde bastalǵan. Ýákiletti organdar polısııa departamentimen birlesip sanksııalanbaǵan saýdanyń 143 jaǵdaıyn (QR ÁQBtK 204-baby) jáne abattandyrý qaǵıdalaryn buzýdyń 96-babyn (QR ÁQBtK 505-baby) anyqtaǵan.
Naýqannyń basty maqsaty – retsiz saýdany joıý men qalanyń estetıkalyq kelbetin saqtaý. Qala bıligi jumysy toqtaǵan kásipkerlerge zańdy túrde jumys isteý úshin arnaıy oryndar usynbaq. Turǵyndar qalanyń ár aýdanynda júrgizilip jatqan bul jumystardy qoldaıtyndaryn aıtty.
«Stıhııalyq saýda kóbine jaıaý júrginshiler joldaryn, aıaldamalardy, qoǵamdyq oryndardy basyp alyp, qala kelbetine keri áser etedi. Mundaı saýda núkteleri sanıtarııalyq talaptarǵa saı emes, ónim sapasy tekserilmeıdi. Bizdiń turǵyn úı aýlasyna jaqyn ornalasqan fastfýd satatyn dúńgirshek mańy únemi lastanyp, qoqystan kóz ashpaıtyn edik. Turǵyndar talaby eskerilip, nysan súrildi», deıdi Áýezov aýdanynyń turǵyny Lázzat Ábjamalova.
