Foto: Mádenıet jáne aqparat mınıstrligi
«Is-shara aıasynda Qazaqstan jáne Reseı arhıvteriniń 2022-2025 jyldary birlesken jumys jospary aıasynda jarııalanǵan «Dokýmentalnye svıdetelstva geroızma kazahstansev v Velıkoı Otechestvennoı voıne (1941-1945 gg.)» atty fotoalbomynyń tusaýkeseri ótedi», dep habarlandy Mádenıet jáne aqparat mınıstrliginen.
Jańa fotoalbom úsh bólimnen turady eken. «Dańqty batyrlar» bóliminde Qazaqstannyń «Danq» ordeni ıegerleriniń fotoportretteri men olardyń soǵystan keıingi ǵumyryn baıandaıtyn materıaldar jınaqtalsa, «Jaýynger áıelder» bóliminde erlikteri az aıtylǵan Qazaqstannyń áıel-ardagerleriniń fotoqujattary usynylǵan, al «Eńbek maıdanynyń aldyńǵy shebinde» bóliminde tyl eńbekkerleriniń maıdanǵa qosqan úlesin beıneleıtin fotosýretter qamtylǵan eken.
Aıta keteıik, barlyǵy 383 biregeı fotoqujat QR Mádenıet jáne aqparat mınıstrliginiń qoldaýymen jınaqtalǵan.
