Polısııa málimetinshe, áıeldiń denesinde pyshaq jaraqattary bolǵan, al páterindegi seıf ashylǵan, dep habarlaıdy Ulysmedia.kz.
“Aq jaıyq” aqparatynsha marqumnyń týystary Adam quqyqtary bıýrosyna shaǵymdanyp, istiń jan-jaqty tergelýin talap etti. Olar bul qylmystyń Shpanovanyń kásibı qyzmetimen baılanysy bolýy múmkin ekenin joqqa shyǵarmaıdy.
Polısııanyń habarlaýynsha, kúdikti — 1987 jyly týǵan azamat ustalyp, ýaqytsha ustaý ızolıatoryna qamaldy. QR Qylmystyq kodeksiniń 99-baby 2-bóligi ("Adam óltirý") boıynsha is qozǵaldy. Zattaı dálelder tárkilendi, tergeý júrip jatyr.
Adam quqyqtary jónindegi bıýro Facebook paraqshasynda marqum Shpanovanyń Kashagan ken ornyn ıgerý syndy el úshin mańyzdy jobalarǵa qatysqanyn habarlady. Osyǵan baılanysty olar kelesi talaptardy jarııalady:
Qaıǵyly oqıǵanyń barlyq mán-jaıyn tolyq ári obektıvti zertteý;
Qylmystyń kásibı qyzmetpen baılanysyn da qarastyrý;
Otbasyna naqty ári tolyq aqparat berý, iske qol jetkizý múmkindigin qamtamasyz etý;
Tergeýdiń ashyq júrgizilýi jáne barlyq jaýapty tulǵalardy jaýapkershilikke tartý.
Atyraý oblystyq polısııa departamenti tergeý barysy olardyń baqylaýynda ekenin málimdedi.
