Oblystyq qoǵamdyq damý basqarmasy «Jastar resýrstyq ortalyǵy» KMM-niń uıymdastyrýymen «Jumysshy mamandyqtar jyly» aıasynda ótken baıqaýǵa 80-ge jýyq stýdent pen jas kásipkerler qatysty. Saıys barysynda qatysýshylar óz mamandyqtaryna sáıkes sheberlikterin kórsetip, túrli tapsyrmalardy oryndady. Jumys sapasy oryndaý tehnıkasy, kreatıvtilik jáne qaýipsizdik talaptaryn saqtaý krıterııleri boıynsha baǵalandy.
Baıqaý qorytyndysymen «Úzdik aspaz» jáne «Úzdik dánekerleýshi» nomınasııalaryn Qazyǵurt aýdanynan kelgen Merýert Dáýletjan jáne Aqjol Mırasbek ıelense, báıdibektik Azıza Ábdildabekqyzy «Qolóner sheberi», Nurǵısa Dóńbaev «Aǵash ustasy», Nurlyaı Jaqsylyq «Bet árleýshi» nomınasııalary boıynsha úzdik atandy. «Úzdik sylaqshy» nomınasııasyn Keles aýdanynan kelgen Azamat Lesbaı jeńip alsa, «Úzdik tas qalaýshy» qazyǵurttyq Bekarys Orazaly, «Úzdik shashtaraz» otyrarlyq Beıbit Asanova, «Úzdik santehnık» Sozaq aýdanynyń týmasy Bekarys О́mirtaı, «Úzdik shınomontaj sheberi» saryaǵashtyq Nurbaqyt Qoblanbek atandy.
Jeńimpazdarǵa Alǵys hattar men baǵaly syılyqtar tabystaldy.
