Foto: gmk.center
Ýkraına prezıdenti Vladımır Zelenskıı bul kelisimdi el bolashaǵy úshin mańyzdy oqıǵa dep atady.
«Bul jaı ǵana kezdesý emes, Ýkraına úshin úlken múmkindikterge jol ashatyn tarıhı kelisim. Eki taraptyń teń quqyǵyn jáne ádilet prınsıpin eskere otyryp jasaldy. Bul kelisim elimizge iri ınvestısııalar tartýǵa, óndiristi jańǵyrtýǵa jáne zań júıemizdi jetildirýge múmkindik beredi», dedi Zelenskıı.
Kelisim aıasynda AQSh Ýkraınadaǵy 20-ǵa jýyq strategııalyq shıkizat túrine qol jetkizýdi kózdep otyr. Olardyń qatarynda munaı, gaz, tıtan, ýran, lıtıı, grafıt jáne marganes bar.
Aıta keteıik, atalǵan resýrstardyń avıasııalyq óndiris, ıadrolyq otyn, elektromobıl batareıasy, medısınalyq jabdyqtar jáne qarý-jaraq óndirisi úshin asa mańyzdy ekeni atap ótilgen.
Jańa ınvestısııalyq qor Ýkraına ekonomıkasyn qalpyna keltirýge serpin berip, eldiń ónerkásiptik áleýetin arttyrýǵa baǵyttalǵan.
