Balabaqsha basshylyǵynyń aıtýynsha, tárbıeshi bólmeden shyǵyp ketken kezde balalar jalǵyz qalǵan, bári sol kezde bolǵan. Bir jarym jasar qyzdy 1 jas 3 aılyq bala tistep alǵan degen boljam bar.
Zardap shekken qyzdyń anasy quqyq qorǵaý organdaryna aryzdanǵan.
Shıeli aýdandyq polısııa bólimi atalǵan aqparat negizinde kámeletke tolmaǵan balanyń qaýipsizdigin qamtamasyz etpegen balabaqsha tárbıeshisine shara qoldanylǵanyn habarlady.
«Qyzylorda oblystyq bilim basqarmasyna da tıisti usynys joldandy. Qazirgi ýaqytta oblystyq polısııa departamentiniń kámeletke tolmaǵandar isi jónindegi tobynyń qyzmetkerleri profılaktıkalyq túsindirý jumystaryn júrgizip jatyr», dep tolyqtyrdy vedomstvodan.
Sonymen qatar, Shıeli aýdany bilim bóliminiń basshysy Dáýren Nasıbekovtyń aıtýynsha, qazirgi ýaqytta jaǵdaı zerdelenip jatyr.
