2025 jylǵy qańtar-naýryz aılarynyń qorytyndysymen ishki saýda boıynsha satý kólemi 5 149,4 mlrd teńgeni qurady. Naqty kólem ındeksi josparly kórsetkishten (102,9%) asty. Almaty qalasynyń ishki saýdasynyń úles salmaǵy respýblıkalyq kólemde barlyq aımaqtardyń ishinde eń joǵary 36,2% -dy kórsetti. Osy kezeńde bólshek saýda kólemi 1 447,7 mlrd teńge (NKI - 106,8%), kóterme saýda - 3 678 mlrd teńge (NKI - 101,7%) bolǵan. Odan ári ósý úshin sıfrlyq sheshimder men saýdanyń qazirgi zamanǵy formattaryn belsendi engizý talap etiledi. Osyǵan baılanysty saýda naryqtaryn jańǵyrtý basym baǵyttardyń biri bolyp qalady.
Sońǵy 10 jyl ishinde elimizde naryqtardy jańǵyrtý jónindegi aýqymdy baǵdarlama iske asyryldy. Almaty qalasynda 59 bazar jumys isteıdi, olardyń 70% jýyǵy jańǵyrtylǵan. О́tken jyly Almatyda alty bazardaǵy jumystar aıaqtaldy. Bekitilgen kestege sáıkes, jyl sońyna deıin taǵy on nysanda jumystardy aıaqtaý josparlanǵan. Qazirgi ýaqytta olardyń tórteýinde belsendi jańǵyrtý jumystary júrgizilip jatyr. Sonymen qatar alty naryqta bekitilgen merzimderdi saqtamaý qaýpi bar. Sebepteriniń ishinde: jer ýchaskelerin paıdalaný boıynsha shekteýler, tehnıkalyq sharttar, ákimshilik kedergiler jáne qarjy resýrstarynyń tapshylyǵy. Osyǵan baılanysty mınıstr jaýapty memlekettik organdar men bıznes sýbektileri arasynda úılestirýdi kúsheıtýdi, sondaı-aq jobalardy iske asyrý barysyna júıeli monıtorıng ornatýdy tapsyrdy.
«Biz bazarlardy qurylys, órtke qarsy, sanıtarlyq-epıdemıologııalyq normatıvtik tehnıkalyq aktilerdiń talaptaryna sáıkestendirýimiz kerek», dep atap ótti Saýda jáne ıntegrasııa mınıstri.
Mınıstr Almaty qalasy elimizdiń iri qarjy jáne saýda ortalyǵy ǵana emes, sondaı-aq ozyq sheshimderdi engizý alańy bolyp tabylatynyn atap ótti. 2024 jylǵy 1 qarashadan bastap Halyq Bankimen birlesip Digital Bazar pılottyq jobasy iske asyrylyp jatyr. Qazirgi ýaqytta jobaǵa Almaty qalasy men Almaty oblysynyń 7 bazary tartylǵan, servıske 4 276 klıent qosylǵan. Jobany iske asyrý, elektrondyq saýda platformalaryn damytý, qolma-qol aqshasyz esep aıyrysýdy engizý jáne qarjy-tehnologııalyq sheshimdermen ıntegrasııalaý megapolıstiń saýda salasyn sıfrlandyrýdyń joǵary deńgeıin kórsetedi.
«2026 jyldan bastap jańǵyrtýdan ótpegen naryqtar jumysyn jalǵastyra almaıdy. Bul ýaqyt talaby - qaýipsizdik, ashyqtyq jáne yńǵaılylyq saýda standartyna aınalýy tıis», dep tolyqtyrdy mınıstr.
