Bastama azamattardy qoǵamdyq baqylaý jumystaryna shaqyrý arqyly joldardyń sapasyn jaqsartýdy kózdeıdi. Joba jol ınfraqurylymy jaǵdaıyna beıjaı qaramaıtyn belsendi azamattardyń arasynda ashyq alań bolmaq. Turǵyndardyń belsendi qatysýymen joldaǵy aqaýlar der kezinde anyqtalyp, olardy joıýǵa, sondaı-aq halyqtyń shaǵymdary men usynystaryna jedel áreket etýge múmkindik týady. Bul óz kezeginde jumystyń ashyqtyǵyn arttyrýǵa yqpal etedi.
Árbir azamat jol sapasyn arttyrýǵa óz úlesin qosa alady. Ol úshin 1403 nómiri arqyly baılanys ortalyǵyna habarlasyp, ótinim berý jetkilikti. О́tinim berý kezinde aty-jóni, baılanys derekteri, turǵylyqty óńiri men eldi mekeni kórsetilýi qajet. Joba aıasynda qurylys, qaıta jańǵyrtý jáne jóndeý júrgizilip jatqan avtojol nysandaryna turaqty túrde shyǵý josparlanǵan. Nysandarǵa shyǵý kestesi men joba týraly tolyq aqparat kompanııanyń resmı saıtynda (www.qaj.kz.) jarııalanǵan.
Qazir elimizde kólik ınfraqurylymyn damytý men jańǵyrtýdyń barlyq negizgi baǵyttaryn qamtıtyn aýqymdy jol-qurylys maýsymy bastalady. Jospar boıynsha jyl sońyna deıin 8800 shaqyrym avtomobıl joldarynda túrli jóndeý jumystary júrgiziledi. Onyń 2100 shaqyrymynda qurylys jáne qalpyna keltirý, 460 shaqyrymynda kúrdeli jóndeý, 6300 shaqyrymynda ortasha jóndeý jumystary atqarylady.
