Foto: energyprom.kz
«Qaıta jańǵyrtý jáne jańa jobalar esebinen 2030 jylǵa deıin jalpy tyńaıtqyshtar kólemi 4 mln tonnaǵa deıin ulǵaıtylady», dedi mınıstr
Onyń aıtýynsha, karbamıd, kalıı hlorıdi jáne dıkalsııfosfat sııaqty jańa tyńaıtqyshtar túrlerin óndirý de josparlanyp otyr.
Sondaı-aq, Ersaıyn Naǵaspaev hımııa salasyn damytýdyń basym baǵyttarynyń biri – kómir hımııasyn júıeli pysyqtaýdyń bastalǵany týraly habarlady.
«Elimizdiń aýqymdy kómir qorlaryn eskere otyryp, bul baǵytta damý – shıkizattyq modelden bas tartý jáne qosylǵan qundy aıtarlyqtaı arttyrýdyń negizgi joly. Osy másele boıynsha óndirisi joǵary damyǵan qytaılyq ınvestorlarmen, atap aıtqanda CHN Energy jáne East China Engineering and Technology sııaqty iri kompanııalarmen jumystar júrgizilip jatyr», dedi mınıstr.
Sonymen qatar, mınıstr kómir-hımııasyn damytýdyń Jol kartasy ázirlenip, onyń sheńberinde otandyq iri kómir óndirýshi kásiporyndar men ǵylymı ınstıtýttar kómirdi tereń óńdeýdiń ozyq tehnologııalaryn engizý boıynsha jumys júrgizip jaqanyn jetkizdi.
