Foto: parlam.kz
Máýlen Áshimbaev óz sózinde meımandy atalǵan eldegi mańyzdy meıram – Birigý kúniniń 50 jyldyǵymen quttyqtaı kelip, Qazaqstan Vetnammen strategııalyq yntymaqtastyqty nyǵaıtýǵa aıryqsha mán beretinin aıtty.
«Vetnam Sosıalıstik Respýblıkasy – Qazaqstannyń ońtústik-shyǵys Azııadaǵy mańyzdy jáne senimdi seriktesi. Sizdiń Qazaqstanǵa saparyńyz ekijaqty qarym-qatynasty damytýdyń jańa kezeńine jol ashady jáne elderimiz arasyndaǵy dostyq pen seriktestikti odan ári nyǵaıtýǵa yqpal etedi dep senemin. Qazaqstan Parlamentiniń Senaty sizdiń saparyńyz barysynda qol jetkizilgen barlyq ýaǵdalastyqty tıimdi iske asyrýǵa yqpal etedi», dedi palata tóraǵasy.
Sonymen qatar Senat spıkeri parlamentaralyq deńgeıde ózara is-qımyldy odan ári damytýdyń mańyzdy ekenine jáne zań shyǵarý salasyndaǵy yntymaqtastyq tetikterine nazar aýdardy.
«Parlamentaralyq dıalog elderimiz arasyndaǵy yntymaqtastyqty nyǵaıtý jolynda mańyzdy ról atqarady. Biz Qazaqstan Parlamenti men Vetnam Ulttyq jınalysy arasynda qalyptasqan dostyq baılanystardy joǵary baǵalaımyz jáne ony ári qaraı nyǵaıtýǵa múddelimiz. Bul rette qazir jumys istep turǵan parlamentaralyq dostyq toptarynyń qyzmeti ekijaqty yntymaqtastyqtyń mańyzdy tetigi ekeni anyq», dedi M.Áshimbaev.
Kezdesý barysynda taraptar saýda-ekonomıkalyq jáne mádenı-gýmanıtarlyq yntymaqtastyqty keńeıtýge qatysty máseleler boıynsha da pikir almasty. Atap aıtqanda, aýyl sharýashylyǵy, logıstıka, aqparattyq tehnologııalar jáne basqa da baǵyttarda ózara is-qımyldy jandandyrý barysy sóz boldy.
Sondaı-aq Máýlen Áshimbaev Álemdik jáne dástúrli dinder kóshbasshylary sezine turaqty qatysyp, onyń ıdeıalaryn qoldap kele jatqany úshin Vetnamnyń din ókilderine alǵys bildirdi.
О́z kezeginde To Lam Qazaqstanda júrgizilip jatqan qoǵamdyq-saıası ózgeristerge joǵary baǵa berdi jáne rýhanı dıplomatııanyń qazirgi tańdaǵy róline erekshe nazar aýdaryp, bul baǵyttaǵy yntymaqtastyqty nyǵaıtýǵa múddeli ekenin jetkizdi.
