Foto: Aqorda
Áskerı parad ótkizý – Uly Otan soǵysyndaǵy Jeńisti merekeleýdiń bir formasy ǵana emes, eń bastysy, Prezıdent atap ótkendeı, eldik pen beıbit ómir úshin kúresken batyr babalarymyzdy ulyqtaý, qan-maıdanda qaza tapqan bozdaqtarǵa taǵzym etý.
Sonymen qatar, 7 mamyr – Otan qorǵaýshylar kúni ekenin de umytpaýymyz kerek. Búgin biz maqtan tutatyn elimizdiń elıtaly qarýly kúshter bólimsheleri, áskerimizdiń tehnıkalyq qýaty kórsetildi.
Memleket basshysy «Uly Otan soǵysynyń ardagerleriniń esimderi men erligi eshqashan umytylmaıdy!» dedi.
Prezıdent surapyl soǵysta tabandylyq tanytqan barlyq ardagerlerge alǵysyn aıtyp, «aǵa býynnyń óshpes erligi – urpaqqa ulaǵat, otanshyldyǵy men janqııarlyǵy – úlgi-ónege» ekenin erekshe atap ótti.
Qazaq halqy ejelden óziniń adamgershiligijáne ar-namysyna adaldyǵymen tanymal. Memleket basshysy atap ótken «Janym – arymnyń sadaǵasy» degen qaǵıda búgin de ózekti.
Sherý sońynda Memleket basshysy Qasym-Jomart Toqaev áskerı qolbasshylarmen sýretke tústi.
