Fashızmge qarsy surapyl soǵys halqymyzǵa orasan zor qaıǵy-qasiret ákeldi. Bizdiń qaharman jaýyngerlerimiz asqan erlik pen batyldyq tanytyp, azattyq pen ádildik jolynda aıanbaı kúresti. Júz myńdaǵan sarbazymyz urys dalasynda qaza tapty. Tyldaǵy jurt ta adam aıtqysyz qıyndyqqa qaramastan tynymsyz ter tógip, Jeńisti jaqyndatýǵa ólsheýsiz úles qosty. Olar egis alqabynda, zaýyttar men fabrıkalarda kún-tún demeı jumys istep, maıdandy qamtamasyz etti.
Biz otandastarymyzdyń qaıtpas qaısarlyǵy men qajyrly eńbegin eshqashan umytpaımyz. Janqııarlyq pen erliktiń ozyq úlgisin kórsetken batyrlarymyzdyń esimin árdaıym ulyqtaımyz. Ardagerlerimizge qamqorlyq jasap, qoldaý bildiremiz.
Qazaqstanda Jeńis kúnine oraı kóptegen is-shara ótkizilip jatyr. Elimizde bes júzge jýyq kósheni qaharman erlerimizdiń atymen ataý týraly sheshim qabyldandy. Aýqymdy áskerı sherý ótti. Munyń bári zulmat soǵystyń zardabyn halqymyz eshqashan jadynan shyǵarmaýy úshin qajet.
Biz Jeńis kúninde beıbit ómirdiń qadirin uǵynyp, dostyq pen tynyshtyqtyń mańyzdylyǵyn tereń túsinemiz. Osy myzǵymas qundylyqtar árdaıym halqymyzdyń ál-aýqatyn arttyrýdyń jáne Qazaqstandy turaqty damytýdyń berik negizi bolyp qala beredi. Men buǵan kámil senemin.
Qadirli ardagerlerimizge jáne barsha otandasymyzǵa zor densaýlyq, baq-bereke tileımin!
Uly Jeńis kúni qutty bolsyn!
