Oqý-aǵartý mınıstrligi taratqan aqparatqa súıensek, bizdiń balalar atalǵan bedeldi bilim báıgesinde alty birdeı marapat jeńip alyp, álemniń úzdik ınjenerleriniń qatarynan kórindi. El namysyn jeti komanda qorǵady. Joǵary sanatta (12–18 jas) Almaty qalasyndaǵy Nazarbaev zııatkerlik mektebiniń «PID» komandasy elimiz tarıhynda tuńǵysh ret jarystyń fınalyna ótip, «Motivate Award Winner» jáne «Division Finalist Award» dep atalatyn eki marapatty ıelendi. Almatydaǵy Nazarbaev zııatkerlik mektebiniń «Cristabol» komandasy tehnıkalyq jáne tehnıkalyq emes daǵdylardyń úzdik úılesimi úshin beriletin eń bedeldi marapat – «INSPIRE Award»-ty jeńip aldy. «Sana team» (Almatydaǵy Bilim-ınnovasııa lıseıi) jáne «Jeltoqsun» (Qaraǵandy qalasyndaǵy «Murager» mektebi) komandalary robottar oıyny boıynsha 258 komandanyń ishinen TOP-20 qataryna endi. Orta sanatta (10–16 jas) – «First Lego League Challenge» týrnırinde Astana qalasyndaǵy «Skillset» mektebiniń «Skillset» komandasy «Champions Award» atalymy boıynsha fınalıst atandy. Qaraǵandydaǵy «Murager» mektebiniń «Rasslexx» komandasy «Coopertition «Award Winner» marapatyn jeńip aldy. Kishi sanatta (6–10 jas) – «First Lego League Explore» boıynsha Pavlodar qalasyndaǵy «Satýrn» mektebiniń «Atlantis» komandasy «Team Model Award» marapatyna ıe boldy.
