Forýmnyń ekinshi otyrysynyń jumysyna (1-si 2023 jyldyń aqpanynda Ázerbaıjanda ótken) quramynda Joǵarǵy Sottyń ákimshilik ister jónindegi sot alqasynyń tóraǵasy Aslan Túkıev, Áskerı sot tóraǵasy Ǵalymjan Násirdinov jáne Sot ákimshiliginiń halyqaralyq baılanystar bóliminiń meńgerýshisi D.Omarov bar qazaqstandyq delegasııa qatysty.
A.Merǵalıev óz sózinde berik quqyqtyq negizdi qalyptastyrý, joǵary sot organdarynyń tájirıbe men jetistiktermen almasý, sot tóreliginiń zamanaýı úrdisterin talqylaý jáne úzdik tásilderdi ázirleýde ózara is-qımyl jasaý úshin Uıym Jarǵysyn qabyldaýdyń mańyzdylyǵyn atap ótti. Qazaqstannyń sot júıesiniń ashyqtyǵyn, táýelsizdigin jáne adamdarǵa baǵdarlanýyn arttyrý úshin ony jańǵyrtý baǵyty týraly habardar etti.
Qazaqstandaǵy reformalar qatarynda sot júıesin qarjylandyrýdyń jańa modelin (barlyq memlekettik organdardyń shyǵystarynyń keminde 6,5%) engizýdi, aýdandyq sot tóraǵalaryn sýdıalar retinde saılaý rásimin, alqabılerdi tańdaýdyń sıfrlyq rásimin, kassasııalyq sotty, azamattyq jáne ákimshilik ister boıynsha sot isin júrgizýde aýmaqtan tys sottylyqty jáne t.b. atap ótildi. Sharalar sybaılas jemqorlyq táýekelderin tómendetýge, sottardyń beıtaraptyǵyna kúmándi joıýǵa jáne sot tóreligine degen senimdi arttyrýǵa baǵyttalǵan.
Is-shara aıasynda A.Túkıev Túrkııanyń kassasııalyq sotynyń tóraǵasy О́mer Kerkezben, Túrkııa Memlekettik keńesiniń tóraǵasy Zekı Iıgıtpen jáne Qyrǵyzstan Joǵarǵy soty tóraǵasynyń orynbasary Nýrgýl Bakırovamen kezdesýler ótkizdi.
QR Joǵarǵy Sotynyń Tóraǵasy atap ótken postýlattarmen qatar, A.Túkıev Qazaqstanda zań ústemdigin, sot tóreliginiń qoljetimdiligin qamtamasyz etý boıynsha qabyldanyp jatqan sharalarǵa, ekonomıkalyq jáne ınvestısııalyq daýlardy qaraýdyń jańa tásilderine toqtaldy.
Onyń aıtýynsha, ÁRPK-te bekitilgen qaǵıdattardyń (prosesske qatysýshynyń quqyqtarynyń basymdyǵy, sottyń belsendi róli jáne t.b.) arqasynda azamattar men kásipkerler memlekettik organdarǵa qarsy isterdiń 58 paıyzyn utyp shyǵady. Ol Qazaqstan Respýblıkasynyń sot reformasynyń quramdas bóligi bolyp tabylatyn apellıasııanyń rólin kúsheıtý, sıfrlandyrý jáne robottandyrý, jasandy ıntellekt elementteri bar servıster jáne t.b. týraly aıtty.
