- Halyqaralyq taekvondo federasııasy 2026 jylǵy Gran-prıdiń fınaldyq kezeńi Astanada ótedi degen sheshim qabyldady. Sóıtip, elimizdiń jankúıerlerine álemniń ár qıyrynan jınalǵan eń úzdik daıan sheberleriniń ónerin tamashalaý baqyty buıyryp otyr. Jarys barysynda 2028 jyly Los-Andjeleste alaýy tutanatyn jazǵy Olımpııa oıyndarynyń joldamalary sarapqa salynady.
- 16–21 qyrkúıek aralyǵynda Qytaıdyń Shenchjen qalasynda tennısten Bıllı Djın Kıng kýboginiń shırek fınaldyq saıystary ótedi. Atalǵan jarysta elimizdiń áıelder quramasy AQSh-pen sheberlik baıqasady. Olardan bólek, osy mejede Japonııa men Ulybrıtanııa, Ýkraına men Ispanııa, Italııa men Qytaı tennısshiler ózara kúsh synasady.
- Semserlesýden Kolýmbııanyń astanasy – Bogatoda uıymdastyrylǵan Gran-prı týrnırin Rýslan Qurbanov kúmis medalmen qorytyndylady. Bastapqy básekelerde qarsylas shydatpaǵan jerlesimiz jartylaı fınalda ózbekstandyq Vadım Anohınnen 15:14 esebimen aılasyn asyrdy. Biraq fınalda Parıj Olımpıadasynyń kúmis júldegeri, Azııa oıyndarynyń jeńimpazy, japonııalyq Akıra Komataǵa jol berdi – 10:15.
- Kezinde UFC-de óner kórsetken 34 jastaǵy áıgili aralas jekpe-jek sheberi Damır Ismaǵulov (26-3, 14 KO)
kelesi kezdesýin 27 mamyrda Astanada ótkizedi. «Alash Praıd» promoýsheni uıymdastyryp otyrǵan týrnırde qandasymyz 41 jastaǵy brazılııalyq Alan Patrıkpen (15-4, 6) kúsh synasady. Ol da kezinde UFC-de aıqasqan saqa sportshy.
