Foto: Ashyq derekkóz
Erbolat Qýanyshov 13 jyl boıy asyqtan kolleksııa jınaǵan. Qazir onyń úıiniń janyndaǵy sheberhana-saraıy shaǵyn kórmege aınalǵan. Aıta keteıik, munda kelýshilerge arnaıy ekskýrsııa uıymdastyrylady.
«Men bul asyqtardy on eki jyl boıy óz sheberhanamda jınadym. Endi osy bastamamdy keńeıtip, álemdik deńgeıge shyǵarǵym keledi. Qazir Gınnestiń rekordtar kitabyna ótinish berdik, úsh aı ishinde jaýap keledi. Eger rekord ornasaq, oblys ortalyǵynda asyqtardan músin jasap shyǵarý josparda bar. Bul ne úlken asyq, ne sıyrdyń pishini bolýy múmkin. Mundaı dúnıe álemde buryn-sońdy bolmaǵan», dedi Erbolat Qýanyshov.
Aqtóbelik turǵynnyń kolleksııasynda tek topaı asyqtar emes, sonymen qatar sırek kezdesetin, tegi belgili qoı asyqtary, sondaı-aq jaýyryn, omyrtqa, qabyrǵa men múıizden jasalǵan shamdar da bar.
