Atalǵan reıtıng 250 myńnan astam respondenttiń pikirine jáne áleýmettik-ekonomıkalyq derekterge súıene otyryp jasalǵan. Nátıjesinde Qazaqstan álemdik deńgeıde 70-orynnan kórinip, birqatar elderdi artta qaldyrdy.
Shveısarııa, Norvegııa jáne Islandııa sekildi Eýropanyń aldyńǵy qatarly memleketteri tizimniń basynan oryn alsa, Qazaqstan Baltyq elderi men Reseıden keıingi pozısııada ornalasqanymen, burynǵy Keńes Odaǵy quramyndaǵy kóptegen elderden ozyq tur. Máselen, Týrkmenstan – 96, О́zbekstan – 108, Qyrǵyzstan – 119, Tájikstan – 128-oryndarda tur. Bul — Qazaqstannyń óńirlik kóshbasshy retindegi ornyn aıqyndaı túsedi.
HPI ındeksi úsh negizgi ólshemge negizdelgen: turaqtylyq, ómirge qanaǵattanýshylyq jáne erkindik. Bul kórsetkishter qoǵamdaǵy áleýmettik kóńil-kúıdi, memlekettiń damý deńgeıin jáne azamattardyń óz bolashaǵyna degen senimin sıpattaıdy.
