Caraptamalyq keńes músheleri VK jelisinde jáne YouTube arnasynda ashyq daýys berý arqyly baıqaýǵa qatysqan 17 jobanyń ishinen Máskeý, Sankt-Peterbýrg, Tambov qalalary men Qazaqstannan Aqtóbe oblystyq kitaphanasyn iriktep aldy. Aqtóbelik kitaphanashylar ótken jyly «Shekarasyz ádebıet» jobasy aıasynda sátti jobalar uıymdastyrǵany úshin úzdik shyqty. Júldegerler «Kitaphanalardyń bolashaǵyn qalyptastyrý» VIII- jıynynda marapattaldy. Shetel ádebıeti kitaphanasynyń bas dırektory Marına Zaharchenko S. Báıishev kitaphanasynyń dırektory Sulýshash Hakımovany quttyqtady. Rýdomıno syılyǵy eki kitaphanashyǵa shetel ádebıeti kitaphanasynda biliktilik kýrstarynan ótýge jáne halyqaralyq kásibı baǵdarlamalarǵa qatysýǵa múmkindik beredi. Aqtóbelik kitaphanashylar Shetel ádebıeti kitaphanasyna Abaı Qunanbaıulynyń qara sózderi men «Aqtóbe qalasynyń tarıhy» kitaptaryn syıǵa tartty.
Qazylar alqasynyń quramynda Shetel ádebıeti kitaphanasynyń bas dırektory Pavel Kýzmın, osy kitaphananyń Qamqorshylyq keńesin múshesi Vasılıı Rýdomıno, Qurmanǵazy Baıalınov atyndaǵy balalar men jasóspirimder kitaphanasynyń dırektory Roza Sultanǵazıeva, Naýaı atyndaǵy О́zbek respýblıkasy ulttyq kitaphanasynyń dırektory Ýmıda Teshabaeva jáne Tájik respýblıkasy ulttyq kitaphanasynyń dırektory Djýmahon Faızolızoda boldy.
Aqtóbe oblysy.
