Is-sharada Ortalyq saılaý komıssııasynyń tóraǵasy Nurlan Ábdirov Memleket basshysy Q.Toqaevtyń is-sharaǵa qatysýshylarǵa arnaǵan quttyqtaý hatyn oqydy. Prezıdent hatynda TMU X sammıtinde usynǵan konsýltatıvtik platformany qurý týraly bastamany qoldaǵan baýyrlas elderge alǵys bildirip, bul bastama uıymnyń múshe memleketteriniń saılaý júıelerin jetildirýge yqpal etetinine senim bildiretini aıtyldy.
«Búkil Túrki áleminiń rýhanı astanasy sanalatyn Túrkistan qalasynda konsýltatıvtik platformanyń erejesine qol qoıylady. Munyń sımvoldyq máni zor. Sondaı-aq máseleniń mańyzdylyǵyn eskere otyryp, men «Túrki álemi: saılaý júıeleriniń dástúri, tájirıbesi jáne damý bolashaǵy» atty ǵylymı-tájirıbelik konferensııa ótkizý týraly bastamany qoldaımyn. Bul sharalar tarıhy ortaq, tamyry bir baýyrlas elderdiń qarym-qatynasyn odan ári tereńdete túseri sózsiz», deı kele Memleket basshysy konsýltatıvtik platformaǵa nátıjeli jumys tileıtinin atap ótken.
Is-shara barysynda OSK tóraǵasy ashyq derekterge sáıkes TMU múshe memleketterde 96,5 mln-nan astam saılaýshy bar ekenin, keıingi eki jylda osy elderde túrli deńgeıdegi 15 saılaý ótkenine toqtaldy. TMU múshe-memleketter ortalyq saılaý organdarynyń basshylary – Ázerbaıjannan Mazahır Panahov, Qyrǵyzstannan Tynchtyk Shaınazarov, Túrkııadan Ahmet Iener, О́zbekstannan Zaınıddın Nızamhodjaev sóz sóılep, Majarstannyń Ulttyq saılaý bıýrosynyń basshysy Attıla Nadtyń quttyqtaý haty oqyldy. Sonymen qatar TMU Bas hatshysy Kýbanychbek Omýralıev, Saılaý organdarynyń dúnıejúzilik qaýymdastyǵynyń Bas hatshysy In-Shık Chjang, Túrki memleketteriniń Parlamenttik Assambleıasynyń Bas hatshysy Mehmet Sýreııa Er, Túrki akademııasynyń vıse-prezıdenti Ashat Kesikbaev sóz sóıledi.
TMU múshe memleketterdiń ortalyq saılaý organdarynyń basshylary qol qoıǵan OSO KP Erejesinde mynadaı sheshimder bar: saılaý rásimderi boıynsha dıalog, aqparat, úzdik tájirıbelermen almasý úshin platforma qurady; saılaý organdary arasyndaǵy yntymaqtastyqty damytady; saılaý úderisterine ınnovasııalyq tásilder men tehnologııalardy engizedi; elektoraldy is-sharalardy uıymdastyrýda TMU elderiniń OSO qyzmetin úılestiredi; saılaý organdary arasynda sarapshylarmen jáne oqý-ádistemelik materıaldarmen almasýǵa járdemdesedi; saılaý baıqaýyna qatysyp, tájirıbe jınaqtaýǵa jáne saılaý júıesin damytýǵa yqpal etedi.
Aıtýly is-shara Ǵylym jáne joǵary bilim mınıstrligimen birlese ótkizilgen «Túrki álemi: saılaý júıeleriniń dástúri, tájirıbesi jáne damý bolashaǵy» atty halyqaralyq ǵylymı-tájirıbelik konferensııaǵa ulasty.
TÚRKISTAN
