Foto: 24.kz
19-21 mamyr aralyǵynda ótetin jıynǵa mýzeı, teatr, kitaphana, arhıv jáne mádenı-demalys uıymdarynyń basshylary men qyzmetkerleri, sondaı-aq shyǵarmashylyq zııaly qaýym men kreatıvti ındýstrııa ókilderi qatysady.
Mádenıet jáne aqparat mınıstrliginiń málimetinshe, forýmǵa qatysýshylar úshin mýzeı isi jáne tarıhı-mádenı mura, kitaphana jáne arhıv isi, teatr óneri jáne konserttik qyzmet seksııalary, artefaktilerdi saqtaý jáne qalpyna keltirý, kostıýmderdi daıyndaý tehnologııalary men býtaforııalar, kitaphanalardy sıfrlyq transformasııalaýdyń zamanaýı strategııalary baǵyttarynda oqytý semınarlary, trenıngter men sheberlik synyptary uıymdastyrylady.
«Is-shara aıasynda memlekettik mýzeıler (oblystyq, aýdandyq (qalalyq) mańyzy bar) jáne memlekettik kitaphanalar (oblystyq, aýdandyq (qalalyq), aýyldyq mańyzy bar), memlekettik mádenı-demalys uıymdary (oblystyq, aýdandyq (qalalyq), aýyldyq) arasynda mádenıet jáne óner uıymdary men qyzmetkerleriniń «Rýhanı qazyna – 2025»respýblıkalyq festıvali ótedi», delingen mınıstrlik habarlamasynda.
Aıta keteıik, búginde mádenıet jáne óner salasynda 60 myńǵa jýyq adam eńbek etip júr.
