foto: mugalzhar.kz
Ertis-Baıan óńirinde 11 myńǵa jýyq adam sozylmaly júrek jetispeýshiligi dıagnozymen dıspanserlik esepke alynǵan. Mamandardyń sózinshe, júrek jetispeýshiligi kóbine uzaq ýaqyt eskerýsiz qalǵan gıpertonııa men ınfarkttyń, sondaı-aq qant dıabetiniń saldarynan týyndaıdy. Al aldyn alýdyń eń tıimdi joly – der kezinde júrek saýlyǵyn tekserý. О́ńirde sozylmaly aýrýlar kesheni boıynsha medısınalyq kómekti jetildirý jónindegi jol kartasy ázirlendi. Onyń aıasynda arnaıy kabınetter ashylǵan.
- Sozylmaly júrek jetispeýshiligi – júrek aýrýynyń asqynǵan satysy. Iаǵnı, júrek aǵzaǵa qajetti qan men ottegini tolyq kólemde jetkize almaıdy. Sonyń saldarynan tinder men múshelerge qorektik zattar jetispeı, búkil aǵzada gıpoksııa damıdy. Naýqastar bul derttiń belgilerin birden baıqaı bermeıdi. Kóp jaǵdaıda dárigerge kesh júginedi. Aýrýdyń negizgi belgileri – entigý, júrek yrǵaǵynyń buzylýy, aıaq-qoldardyń isinýi, moıyn kóktamyrlary keńeıip, álsizdik pen tez sharshaǵyshtyqtyń paıda bolýy, deıdi kardıolog-dáriger Aıgerim Rahımova.
Dárigerler júrek-qantamyr júıesiniń aýrýlary búginde jasarǵanyn aıtady. Buryn mundaı dıagnoz 50 jastan asqan adamdarǵa jıi qoıylsa, qazir 30 jastaǵy, tipti odan da jas naýqastar jıi tirkeledi.
Pavlodar oblysy
