Aldaǵy ýaqytta Aqtóbe oblysynyń Baıǵanın, Yrǵyz, Shalqar aýdandarynda turatyn 600 múgedektigi bar bala osy ortalyqta tegin emdelip, ońaltý-saýyqtyrý sharalarynan ótedi.
Aqtóbe oblysy ákimdiginiń qoldaýymen ǵımarat berilip, balalardyń júrip-turýyna kedergi keltirmeıtin jaılylyq pen yńǵaılylyq jaǵdaıynda, biryńǵaı dızaın úlgisinde kúrdeli jóndeý jumystary júrgizildi. Sondaı-aq «Qazaqstan halqyna» qory 181,2 mln teńgege ońaltýǵa arnalǵan qural-jabdyqtar syılady.
Emdelýge kelgender úshin Ottobock vertıkalızatorlary, Rifton júıeleri, velotrenajerler, Tyrostation jattyqtyrǵyshtary, «Atlant» pnevmokostıýmderi jáne birneshe jattyǵý keshenderi satyp alyndy. Budan ózge sensorlyq bólme, tuz shahtasy, shýngıt bólmesi, sýmen emdeýge laıyqtalǵan ımmersıondy vanna da bar. Múgedektigi bar balalardy emedý-saýyqtyrýmen aınalysatyn júıke júıesi aýrýlaryn emdeıtin dárigerler, ońaltýshy, logoped-defektolog, psıholog jáne emdik deneshynyqtyrý nusqaýshysy, ergoterapevt arnaıy biliktilik kýrstarynan ótti.
Aqtóbe oblysy.
