Júrek tolqytar sát

Bul testileýdiń mańyzdylyǵy testilený­shilerdiń osy synaqtan alǵan nátıjesimen memlekettik grant konkýrsyna qatysatynynda bolyp tur.

Júrek tolqytar sát, degenmen mundaı negizgi UBT-ny eki ret tapsyrýǵa múmkindik berilgen. Talapkerler eki testileýdiń ishindegi jaqsy nátıjesimen grant konkýrsyna qatysa alady. Eki múmkindikti esepke alǵanda 216 myńǵa jýyq talapkerden negizgi testileýdi tapsyrýǵa 399 myńǵa jýyq ótinish túsken. Úmitkerlerdiń 75%-y qazaq tilinde, 25%-ǵa jýyǵy orys tilinde, 266 adam aǵylshyn tilinde testileýden ótýdi tańdady.

Keshe bastalǵan negizgi UBT-nyń alǵashqy kúni Ǵylym jáne jo­ǵary bilim mınıs­tr-­
li­gine qaras­ty ko­mı­tettiń tór­aıymy Gúlzat Kó­be­nova Asta­na qalasyndaǵy  testi­­leý orta­lyqtarynyń birine ba­ryp, talap­kerlerge sáttilik tilep, ta­lap­kerlerdiń tańdaýyna toqtaldy.

«О́tinish berý kezinde úmitker­ler testileý kúnin, ýaqytyn jáne ornyn ózderi tańdady. UBT-nyń birinshi kúni elimiz boıynsha 4 589 adam, onyń ishinde elordada 323 talapker testileýden ótedi. Jalpy, UBT 46 testileý pýnktinde uıymdastyrylǵan. Birneshe jyl qatarynan eń kóp tańdalǵan beıindi pánder kombınasııasy «Matematıka-Fızıka» bolyp otyr – ony túlekterdiń 16,5%-y tańdady. Bul talapkerlerdiń ınjener, mu­ǵalim, energetık, qury­lysshy jáne basqa da teh­nı­kalyq mamandyqtarǵa degen umtylysyn kórsetedi. Tany­mal­dyǵy boıynsha kelesi kombınasııalar: bolashaq medısına qyzmetkerlerine baǵyttal­ǵan «Bıo­logııa-Hımııa» (15,6%) jáne IT salasyna qyzyǵýshylyq tanyt­qan talapkerlerdi tar­ta­­tyn «Matematıka-Infor­ma­tıka» (9,7%)», dedi G.Kóbenova.

Ulttyq testileý ortalyǵynan bilgenimizdeı, UBT-ǵa qatysatyn ár adam jeke jasalǵan test nus­qasyn alady. Emtıhan kezinde testileý baǵdarlamasynda kalkýlıator, hımııalyq elementterdiń perıodtyq júıesi jáne tuzdar­dyń erigishtik kestesi bolady. Sony­men qatar talapkerlerge yńǵaıly bolý úshin kestelerdiń qaǵaz nusqalary da beriledi. Testileýge kireberiste tyıym salynǵan zattardy, mysaly, telefondardy, shpargalkalardy alyp kirýge jol bermeý úshin ­qol jáne ramalyq metall izde­gish­ter qoldanylady. Testi­leý aýdı­torııalarynda mobıldi jáne radıoelektrondy baılanys ­sıgnaldaryn basatyn qu­rylǵylar paıdalanylady, beı­ne­baqylaý júrgiziledi.

Mazmuny boıynsha apellıa­sııaǵa ótinishti testileý aıaqtal­ǵannan keıin 30 mınýt ishinde berýge, al tehnıkalyq apel­lıa­sııa boıynsha ótinishti testi­leý barysynda berýge bolady. Ser­tıfıkat apellıasııa qaral­­ǵannan keıin testilenýshiniń jeke kabı­ne­tinde turady. Talap­kerdiń jeke kabınetinde Respýb­lıka­lyq apellıasııalyq komıs­sııa oty­rysynyń merzimi kórse­tiledi. Komıssııa otyrysy bas­tal­ǵan­ǵa deıin apellıasııa óti­nishin jeke kabınetinde qaıtaryp alý múm­kindigi bar. Apellıasııa ótinishin qaıtaryp alǵan soń, talap­ker sertıfıkatty jeke kabı­netinen bir jumys kúni ishinde ala alady.

Shekti baldar ózgerissiz qaldy: «Quqyq» jáne «Pedagogıka­lyq ǵylymdar» baǵyttaryna túsý úshin keminde 75 ball, «Den­saý­lyq saqtaý jáne áleýmet­tik qamta­ma­syz etý (medısı­na)» úshin kemin­de 70 ball jınaý qa­jet, ulttyq joǵary oqý orny­­na túsý úshin keminde 65 ball, bas­qa ýnıversıtetterge túsý úshin keminde 50 ball jınaý qajet.

2025 jylǵy UBT aıaqtalǵan­nan keıin osy jyldyń 31 qazany­na deıin beınejazbalarǵa taldaý júrgiziledi. Tyıym salyn­ǵan zattardy paıdalaný nemese basqa da erejelerdi buzý faktileri anyqtalǵan jaǵdaıda talapkerdiń nátıjeleri joıylady.