«Jylyoı aýdany prokýratýrasynyń zańdylyqtyń buzylýyn joıý týraly usynysy qaraldy. Departament tarapynan «ANACO» JShS-ǵa qatysty QR Ákimshilik quqyq buzýshylyq týraly kodeksiniń 328-babynyń 1-tarmaǵymen ákimshilik quqyq buzýshylyq týraly is qozǵaldy. Isti qaraý nátıjesimen zańdy tulǵa kináli dep tanylyp, 897 024 322 teńge mólsherinde aıyppul túrindegi ákimshilik jazaǵa tartyldy», dep habarlady departamenttiń baspasóz qyzmeti.
Biraq, «ANACO» JShS salynǵan aıyppul kólemimen kelispeıtinin tanytqan. Aldymen, Atyraý qalasynyń ákimshilik quqyq buzýshylyqtar jónindegi mamandandyrylǵan sotyna, odan soń oblystyq sottyń qylmystyq ister jónindegi sot alqasyna shaǵym túsirgen.
«Atalǵan sottardyń 12 aqpandaǵy jáne 19 naýryzdaǵy qaýlylarymen aıyppul kólemi ózgerissiz qaldyrylyp, zańdy kúshine endi. Qazir aıyppul óndirilý satysynda tur, dep málimdedi departamenttiń baspasóz qyzmetinen.
Atyraý oblysy
