2017 jyldan bastap Qazaqstan resmı túrde halqy qartaıyp jatqan elderdiń qataryna kirdi. Búginde 65 jastan asqan adamdar halyqtyń 9,2%-yn quraıdy – bul shamamen 1,87 mıllıon adam. Salystyrar bolsaq, 2020 jyly bul kórsetkish 6,8% bolǵan.
Qarttarymyzǵa qamqorlyq kórsetý, belsendi jáne mándi ómir súrý úshin jaǵdaı jasaý – memlekettik áleýmettik saıasattyń basym baǵyttarynyń biri. Sol sebepti 2020 jyly respýblıkada alǵashqy belsendi uzaq ómir súrý ortalyǵy ashyldy. 2021 jyly aǵa býyn azamattarynyń jaǵdaıyn jaqsartý jónindegi 2025 jylǵa deıingi «Belsendi uzaq ómir súrý» is-sharalar jospary qabyldandy. Onyń aıasynda zańnamaǵa ózgerister engizilip, vedomstvoaralyq komıssııa quryldy jáne belsendi uzaq ómir súrý ındeksi esepteldi.
Belsendi uzaq ómir súrý ortalyqtary «bir tereze» qaǵıdaty boıynsha úsh baǵytta jumys isteıdi: belsendi uzaq ómir, densaýlyq mádenıeti jáne qoǵammen baılanys. BUО́O-nyń qyzmeti egde jastaǵy adamdardyń ómir súrý sapasyn jaqsartýǵa, ónimdi jáne belsendi uzaq ómir súrýdi yntalandyrýǵa, onyń ishinde júıeli bos ýaqytty uıymdastyrýǵa (ıoga, skandınavııalyq júris, sıfrlyq saýattylyqty arttyrý, motıvasııalyq jáne kásipkerlik kýrstar, aǵylshyn tili kýrstary jáne t.b.), egde jastaǵy adamdardyń erkindigin qamtamasyz etýge, qazaqstandyq qoǵamnyń ómirine qatysýǵa baǵyttalǵan.
Ortalyqtar jumysyn bastaǵaly beri 20 myńnan astam is-shara ótkizildi, 3,8 myńnan astam qyzmet kórsetildi – olardyń qatarynda medısınalyq, psıhologııalyq, mádenı jáne bilim berý qyzmetteri bar. Munyń bári egde jastaǵy adamdarǵa belsendi bolýǵa, densaýlyq pen kóńil-kúıdi jaqsartýǵa kómektesedi.
Nátıjeleri de kóńil qýantady – BUО́O qyzmet alýshylary halyqaralyq baıqaýlarǵa qatysyp, júldeli oryndarǵa ıe bolýda. Mysaly, «Almaty ájeleri» ujymy Italııadaǵy sán aptalyǵynda Qazaqstannyń atynan qatysyp, Túrkııa men Qyrǵyzstandaǵy etnofestıvalderde jeńiske jetti.
