Foto: 808.media
Sýperkompıýterdi ornatý jáne iske qosyp, úzdiksiz ári turaqty jumysyn qamtamasyz etý úshin Tier III senimdilik deńgeıindegi SDIAО́M-tiń jańa derekter ortalyǵynda júzege asyrylady.
Bul bastama tek mamandar sheńberine ǵana emes, búkil eldiń sıfrlyq ekojúıesin damytýǵa baǵyttalǵan. Mundaı qýattylyq búginde densaýlyq saqtaý, energetıka, bilim berý jáne memlekettik qyzmetter sııaqty barlyq salada qoldanylyp jatyr.
Sýperkompıýter resýrstary barshaǵa qoljetimdi bolady. Olarǵa neırondyq jelilerdi oqytý úshin esepteý qýaty qajet startaptar, irgeli jáne qoldanbaly zertteýler júrgizetin ýnıversıtetter, sondaı-aq jasandy ıntellektti bıznes-prosesterge engizip jatqan ǵylymı ortalyqtar men kompanııalar qosyla alady.
Sýperkompıýterdiń jetkizilýi Qazaqstanda joǵary ónimdi esepteýler ekojúıesin damytýǵa jol ashyp otyr. Osynyń aıasynda Qazaqstan alǵash ret joǵary tehnologııalyq jabdyqty kedendik baj ben QQS-tan bosatý mehanızmin qurdy. Bul elimizdi halyqaralyq IT-kompanııalar men derekter ortalyǵy operatorlary úshin áldeqaıda tartymdy etedi.
Aıta keteıik, Abý-Dabıdiń taq murageri sheıh Haled ben Muhammed ben Zaıd ál Nahaıannyń Qazaqstanǵa resmı sapary aıasynda Astanada Presight (G42) kompanııasynyń sheteldik keńsesi ashyldy. Sapar barysynda Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi men Presight kompanııasy arasynda elimizde sýperkompıýterlik klaster qurý jóninde kelisimge qol qoıyldy.
«Bul — eldiń sıfrlyq ınfraqurylymyn damytýdaǵy strategııalyq mańyzy bar qadam. Ol Qazaqstannyń sıfrlyq egemendigin jáne JI tehnologııalaryn damytý men jahandyq IT oıynshylaryn tartý baǵytyndaǵy óńirlik kóshbasshylyǵyn nyǵaıtady», dedi Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstri Jaslan Mádıev.
