Ekonomıka • 19 Mamyr, 2025

Úkimet Jezqazǵandaǵy áleýmettik máseleni sheshýge 1,8 mlrd teńge bóldi

160 ret

kórsetildi

1 mın

oqý úshin

Jezqazǵan qalasynyń sharýashylyq-aýyz sý tazartý qurylystaryn rekonstrýksııalaýǵa Úkimet rezervinen shamamen 1,8 mlrd teńge bólindi. Tıisti qaýlyǵa Premer-mınıstr Oljas Bektenov qol qoıdy, dep jazady Egemen.kz.

Dana MYRZAQADIR

Úkimet Jezqazǵandaǵy áleýmettik máseleni sheshýge 1,8 mlrd teńge bóldi

Foto: gov.kz

Qarajat sharýashylyq-aýyz sý tazartý qurylysyn jańǵyrtýǵa múmkindik beretin membranalyq jabdyqty ornatý arqyly qýaty táýligine 124 myń m3 qoldanystaǵy tazartý qurylystaryn tolyq rekonstrýksııalaý jobasynyń ekinshi kezeńin qosýǵa baǵyttaldy.

Oblys ortalyǵyn sýmen jabdyqtaý Keńgir sý qoımasy arqyly júzege asyrylady. Aıta keteıik, qalanyń sharýashylyq-aýyz sý tazartý qurylystary 1966 jyly paıdalanýǵa berilgen. Jabdyqtar men tehnologııalardyń 90 paıyzy tozǵan. Bul qarjy qazirgi ýaqytta 98,6 myń adamdy quraıtyn Jezqazǵan qalasy halqynyń áleýmettik-ekologııalyq ahýalyn odan ári jaqsartýǵa jáne turǵyndardyń sanıtarlyq-gıgıenalyq ómir súrý deńgeıin arttyrýǵa múmkindik beredi.