Aldaǵy úsh kún boıy mýzeılerdiń, teatrlardyń, kitaphanalardyń, arhıvterdiń jáne mádenı-demalys mekemeleriniń basshylary men qyzmetkerleri salany damytýǵa baǵyttalǵan ózekti máselelerdi talqylap, usynystar ázirleıdi.
Paneldik sessııalar bir mezette birneshe alańda ótýde. Máselen, Ulttyq mýzeıde III Qazaqstandyq mýzeı kongresiniń ashylýy bolyp ótti. Onyń negizgi taqyryby – tarıhı-mádenı murany saqtaý. Jıynda sarapshylar teorııamen qatar praktıkalyq máselelerge de nazar aýdardy. Qatysýshylar eksponattardy konservasııalaý men restavrasııalaýdaǵy basty jetistiktermen tanysyp, arheologııalyq artefaktilerdi saqtaý boıynsha sheberlik sabaǵyna qatysty.
Osy ýaqytta konserttik jáne mádenı-demalys uıymdarynyń ókilderi sahna sheberligi, rejıssýradaǵy ınnovasııalarǵa, prodıýserlikke jáne kostıýmografııaǵa arnalǵan dóńgelek ústelderge, shyǵarmashylyq zerthanalar men master-klasstarǵa qatysty.
О́ńirlik kitaphanalardyń basshylary men mamandary da bas qosty. Olar damýdyń zamanaýı strategııalaryn, sıfrlyq tehnologııalardy qoldaný tájirıbesin talqylady. Kún tártibinde jasandy ıntellektti paıdalaný jáne qujattyq murany saqtaý sekildi máseleler qozǵaldy.
Forým aıasynda «Rýhanı qazyna – 2025» mádenıet jáne óner uıymdary men qyzmetkerleriniń respýblıkalyq festıvali ashyldy. Oǵan qatysý úshin 85 kitaphana, 50 mádenı-demalys uıymy jáne 30 mýzeı ótinim berdi. Quramynda kásibı mamandar bar qazylar alqasy árbir ótinimdi qarap, 19 nomınasııa boıynsha jeńimpazdardy anyqtaıdy.
