Is-shara uıymdastyrýshysy – Eurasian Resources Group (ERG). Forým Azııa aýmaǵyndaǵy EFMD-ge múshe korporatıvtik ýnıversıtetter men bilim berý qurylymdary, qyzmetkerlerdi oqytý salasynda eńbek etetin bilim berý mekemeleri men qaýymdastyqtar arasynda Qazaqstandaǵy alǵashqy tájirıbe almasý alańyna aınaldy.
Sharanyń maqsaty – ozyq tájirıbeler, úzdik praktıkalar men ınnovasııalyq ustanymdar almasý múmkindikterin keńeıtý. Forýmǵa qatysýshylar kóshbasshylyq, kásibı bilim berý men qyzmetkerlerdi oqytý máselerin keńinen talqylap, halyqaralyq qaýymdastyq moıyndaǵan ozyq keıstermen tanysty.
Negizgi spıkerlerdiń biri – CLIP korporatıvtik ýnıversıteti akkredıtasııadan ótý baǵdarlamalarynyń jetekshisi, EFMD korporatıvtik servısteriniń dırektory, doktor Martın Merle. EFMD – álemniń 88 elinde 890 múshesi bar Eýropalyq menedjmentti damytý qory. Ol menedjment pen qyzmetkerlerdi oqytý salalaryndaǵy jetekshi bıznes-mektepter, ýnıversıtetter men korporasııalardy biriktirgen. Oqytý men menedjment salasyndaǵy ozyq tájirıbeler almasýǵa arnalǵan jahandyq tuǵyrnama deýge bolady. Ol bıznestiń básekege qabilettiligin artyrý úshin korporatıvtik oqytýǵa halyqaralyq standarttardy engizýdiń mańyzyna erekshe toqtaldy:
– Biz EFMD tájirıbesinde áriptester qaýymdastyǵy korporatıvtik oqytý standarttaryn damyta otyryp, kompanııalardyń isin jetildirý jolyna barynsha qarqyn bere alatynyna talaı márte kóz jetkizdik. ERG-diń bastamasy Qazaqstandaǵy, tipti Orta Azııadaǵy korporatıvtik oqytý salasyna tyń serpin bere alady degen senimdemiz,- dedi Martın Merle.
Forýmda ERG-diń korporatıvtik ýnıversıteti halyqaralyq sertıfıkasııalaý baǵdarlamalarda júldeli oryndarǵa ıe bolǵan óziniń bilim berý baǵdarlamalaryn tanystyrdy. О́tken jyly ERG-diń korporatıvtik ýnıversıteti halyqaralyq EFMD Excellence in Practice Awards 2024 baıqaýynyń «Kásibı bilim berý» atalymynda «úzdik» dep tanylǵan. Al, bıyl ERG-diń Korporatıvtik ýnıversıteti Qazaqstan men TMD-da alǵashqy bolyp EFMD LIFT Learning Impact standarty boıynsha sertıfıkattaldy.
Bul júlde – bilim berý ónimderin daıarlaý men ony basqarýdaǵy jumystyń sapasy joǵary, ádistemeleri men ázirlemeleri tolyqqandy ári halyqaralyq standarttarǵa sáıkes keletinin rastady. Sertıfıkattaý barysynda ERG CU tómendegi 3 tartymdy jobasyn tanystyrǵan bolatyn:
- karerlerdegi aýyr júk kólikteriniń júrgizýshilerin daıarlaýda trenajer-sımýlıatorlardy paıdalaný;
- dánekerleýshi mamandardy daıarlaýda sandyq, tolyqtyrylǵan shyndyq (AR) tehnologııalaryn keńinen paıdalaný;
Strategic Leadership Program (SLP) kóshbasshylyqty damytý baǵdarlamasy.
TKM salasyndaǵy korporatıvtik ýnıversıtetter forýmy Qazaqstan men Azııada osy korporatıvtik bilim berý baǵytynda jumys istep júrgen qurylymdar arasyndaǵy ózara seriktestikti nyǵaıtýdy kózdeıdi.
– Tıimdi korporatıvtik bilim berý júıesin damytý barysynda árdaıym áriptesterińizben aralasyp, pikir almasyp otyrý mańyzdy. ERG-diń korporatıvtik ýnıversıteti ózge de korporatıvtik oqytý ortalyqtarynyń tájirıbesin synı turǵydan zerdeleı otyryp, óziniń ozyq ádistemelerin ashyq pash etip birneshe jylda halyqaralyq deńgeıge ósti. Bul tolaıym tabysqa ERG-diń Qazaqstanda korporatıvtik oqytý ortalyqtarynyń qaýymdastyǵyn qurý qamyndaǵy novatorlyq bastamasynyń arqasynda jetti. О́z kezeginde bul kásibı damýdy úzdiksiz jetildirip otyrýǵa septesetin tuǵyrnamaǵa aınala alady, - dedi forým sarapshylarynyń biri, ERG korporatıvtik ýnıversıteti ǵylymı keńesiniń táýelsiz múshesi, professor Valerıı Katkalo.
– Korporatıvtik oqytý júıeleriniń qýaty – bıznestiń senimdi seriktesi bola alýynda. Ol úshin qazirgi álemniń syn-qaterlerine ýaqytyly ún qatyp, tıimdilikti arttyryp otyrý mańyzdy,- dedi ERG korporatıvtik ýnıversıtetiniń dırektory Valentına Satarova. – Biz ERG-de korporatıvtik bilim berýdiń halyqaralyq standarttaryn ustanyp, kompanııany damytý strategııasyn ilgeriletý, adamdarymyzǵa ınvestısııa quıý baǵyttarynda bıznespen birlese, jumyla jumys istep jatyrmyz. Bizdiń jolymyz – damý joly!
Halyqaralyq forýmǵa ERG-diń Qazaqstandaǵy bas dırektory Serik Shahajanov ta qatysyp, sharanyń mańyzyn erekshe atap aıtty:
– ERG-diń korporatıvtik ýnıversıtteti – bizdiń Topty damytýdyń strategııalyq quraly. Biz tek adamdardy damytý arqyly kompanııa alǵa ilgerileı túserine senimdi bolǵandyqtan, adamdarymyzdyń damýyna turaqty ınvestısııa quıyp kelemiz. Sońǵy 2 jylda korporatıvtik ýnıversıtet bizdiń 54 myńnan astam qyzmetkerimizdi oqytyp, sımýlıatorlar men VR-dan bastap, ozyq tehnologııalar men halyqaralyq tuǵyrnamalardy engizip, jahandyq deńgeıde moıyndaldy. EFMD Excellence in Practice Awards 2024 baıqaýyndaǵy jeńis pen EFMD LIFT 2025 sertıfıkatyna ıe bolýymyz bilim berý sapasy, bızneske qajetti sheshimderdi tabý men onyń paıdasy – bizdiń óz salamyz boıynsha úzdik bolýǵa degen talpynysymyz ben qolǵa alǵan júıeli jumystyń jemisi.
ERG Qazaqstandaǵy korporatıvtik ýnıversıtetter arasynda alǵashqy bolyp taý-ken metallýrgııa salasy kásiporyndarynyń bárine esigin aıqara ashyp otyr. Top personaldy damytýǵa ınnovasııalyq ustanymdardy qoldanyp qana qoımaı, strategııalyq kózqaras pen kóshbasshylyqtyń joǵary deńgeıin pash etip keledi.
ERG Qazaqstanda alǵashqy bolyp 6 taý-ken metallýrgııa kompanııalary arasynda zertteýler júrgizip, benchmark pen saraptama bazasyn qurdy. Osylaı turǵyrnama qalanyp, kompanııa óz bastamasyn keńeıtýge daıar. Ári 2025 jyldan bastap kásibı qaýymdastyq tarapynan da qoldaý taýyp, zertteýge qatysatyn kompanııalar sany ulǵaıa túserine senimdi.
