Kezdesýge Qazaqstandaǵy konsernniń aǵa vıse-prezıdenti ári tóraǵasy Álı ál-Janabı, negizgi elder men Namıbııadaǵy barlaý jónindegi vıse-prezıdent Sıýzann Kýgan qatysty.
«Shell» Qazaqstanda munaı-gaz salasyndaǵy birqatar iri bastamany, sonyń ishinde KQK, Soltústik Kaspıı, Qarashyǵanaq jobalaryna qatysý, qysqy dızel otynyn óndirý boıynsha PMHZ qondyrǵysyn jańǵyrtý, sondaı-aq jer qoınaýyn geologııalyq barlaý jáne ǵylymı zertteýdi júzege asyryp keledi.
Kezdesý barysynda Qarashyǵanaq ken ornynda qýaty jylyna 4 mlrd tekshe metr gaz óńdeý zaýytynyń qurylysyna nazar aýdarylyp, ony júzege asyrýdyń mańyzdylyǵy atap ótildi.
Sonymen qatar Qashaǵan ken ornyn ıgerý jumystary da talqylandy. Taraptar qýaty jylyna 2,5 mlrd tekshe metr GО́Z salýdy jáne jańa alańdardy ıgerýdi kózdeıtin 2A jáne 2B kezeńderin iske asyrýdy jedeldetý josparlaryn qarady.
Premer-mınıstr Qazaqstan Úkimetiniń odan ári ózara tıimdi yntymaqtastyqqa daıyn ekenin jetkizdi.
