Foto: gov.kz
Kelissózder sheńberinde taraptar tehnıkalyq retteý, standarttaý, sáıkestikti baǵalaý jáne metrologııa salasyndaǵy ekijaqty ózara is-qımyldyń negizgi aspektilerin talqylady. Sáıkestikti baǵalaý salasyndaǵy yntymaqtastyqty damytý, onyń ishinde saýdadaǵy tehnıkalyq kedergiler jáne sanıtarııalyq-fıtosanıtarııalyq sharalar, sondaı-aq memlekettik baqylaý máseleleri jónindegi aqparattyq ortalyqtyń jumys isteýine erekshe nazar aýdaryldy.
Talqylaý standarttaý salasyndaǵy, onyń ishinde ulttyq standarttardy halyqaralyq jáne óńirlik normatıvtermen úılestirý kontekstindegi ózara is-qımyldy tereńdetý perspektıvalaryn da qamtydy. Taraptar tehnıkalyq retteý salasyndaǵy qoldanystaǵy zańnama týraly aqparat almasty. Osy saladaǵy quqyqtyq qamtamasyz etýdiń ózekti tásilderin talqylady jáne retteýshi tájirıbelerdi odan ári jaqyndastyrýǵa múddeli ekenin jetkizdi.
Kezdesý nátıjesinde «Qazaqstandyq standarttaý jáne metrologııa ınstıtýty» RMK men «О́zbek ǵylymı synaqtar jáne sapany baqylaý ortalyǵy» memlekettik mekemesi arasyndaǵy sáıkestikti baǵalaý salasyndaǵy 2025-2026 jyldarǵa arnalǵan ekijaqty yntymaqtastyqty damytý jónindegi qyzmetti iske asyrý jónindegi is-sharalar josparyna qol qoıyldy. Qujat eki taraptyń praktıkalyq ózara is-qımyldy tereńdetýge, bilim almasýǵa jáne halyqaralyq standarttarǵa sáıkes ónimder men qyzmetterdiń sapasyn arttyrýdy kózdeıdi.
