Atalǵan júıe – eki jumysty qatar atqaratyn aqyldy tehnologııa. Onyń birinshi qyzmeti – paıdalanýshynyń adam ne bot ekenin anyqtaý. Ekinshisi – kitaptar men gazetterden skanerlengen, biraq kompıýter oqı almaǵan sózderdi sıfrlyq formatqa kóshirý. Siz bul sózdi oqyp tergen kezde, mıllıondaǵan adam da sol tapsyrmany oryndap jatady. Eger olardyń jaýaby sáıkes kelse, júıe sol sózdi rastaıdy da, mátin sıfrlyq arhıvke enip, saqtalyp qalady. Osylaısha, siz oılamaǵan jerden – kitaphanalarda shań basyp jatqan sırek eńbekterdiń qaıta jańǵyrýyna úles qosyp otyrasyz. Bul – tehnologııa men adam eńbeginiń tamasha úndestigi.
