Foto: Ashyq derekkóz
О́tken jyly el ekonomıkasyndaǵy shaǵyn jáne orta bıznestińtiń úlesi 39,7%-ǵa deıin ósti. Bul eldegi kásipkerliktiń erkin damı bastaǵanyn kórsetedi. Ortalyq kommýnıkasııalar qyzmetinde bolǵan baspasóz máslıhatynda Ulttyq ekonomıka mınıstrligi Kásipkerlikti memlekettik qoldaý jáne qorǵaý departamentiniń dırektory Daryn Ábdýáli byltyr 275,2 mlrd teńge bıznesti jeńildetilgen qarjylandyrýǵa baǵyttalǵanyn aıtty.
Búginde ShOB-ta jumyspen qamtylǵandardyń jalpy sany 4,4 mln-nan astam adamdy quraıdy. Osyǵan qarap, elimizde kásipkerlik mádenıeti qalyptasa bastaǵanynyń kýási bolamyz. Memlekettik qoldaý baǵdarlamasy boıynsha 17 myńnan astam bıznes jobasy shamamen 1 trln teńge nesıe somasyna sýbsıdııalandy.
Byltyrǵy jyl qorytyndysy boıynsha kepildikti qoldaý 8 myń jobaǵa qolǵabys bolǵan. Departament dırektorynyń sózine ılansaq, ótken jyly 15 myń servıstik qyzmet kórsetildi. Sondaı-aq bıznesti júrgizýdiń túrli máseleleri boıynsha 135 myńnan astam konsýltasııa berilipti. Endi kez-kelgen kólemdegi – kishkentaıdan úlkenge deıingi kompanııalar jetkilikti kepil bolmaǵan jaǵdaıda da qarjylandyrýdy tarta alady.
Sheneýnikterdiń shyn sózi dep bilsek, budan bylaı ShOB úshin 7 mlrd teńgege deıingi kepildikter jeńildetilgen rásim boıynsha – nebári 2 kúnde ázir bolady. Bul ıgiliktermen qatar, jyldyq 12,6% jeńildikti qarjylandyrýdyń jańa baǵdarlamasy muqııat ázirlenýde. Jańa baǵdarlama kásipkerlerdiń keńge kósilýine barlyq jaǵdaıdy jasaıdy degen úmit zor.
