Foto: ashyq derekkóz
Oqıǵa 21 mamyr kúni Almaty qalasyndaǵy turǵyn úı keshenderiniń birinde bolǵan. Qalalyq Polısııa departamentiniń málimetinshe, zardap shekken azamattar — jekemenshik tehnıkalyq qyzmet kórsetetin kompanııada jumys isteıtin elektrıkter.
Qoǵamdyq densaýlyq saqtaý basqarmasynyń habarlaýynsha, jedel járdem shaqyrtýy 13:05 shamasynda tirkelgen. Dárigerler oqıǵa ornyna dereý jetip, eki naýqasty anestezıologııa jáne reanımasııa bólimshesine jetkizdi.
– Pasıentter II–III dárejeli kúıik alǵan. Qazirgi tańda olar jansaqtaý bóliminde. Jaǵdaılary turaqty aýyr, qajetti ıntensıvti em júrgizilip jatyr, – delingen basqarma taratqan resmı aqparatta.
Almaly aýdandyq Polısııa basqarmasy atalǵan derek boıynsha tergeý amaldaryn bastady. Oqıǵanyń naqty sebebi men kináli tulǵalar tekseris nátıjesinde anyqtalatyn bolady.
Janel TО́LEÝBEKOVA, EUÝ 2 kýrs stýdenti
