Is-shara Jaýyngerlik týdyń shyǵarylýy jáne Memlekettik Ánurannyń oryndalýymen ashyldy.
«Búgin – biz úshin erekshe kún. О́ńirlik qolbasshylyqtyń áskerı bólimderinde ant qabyldaý rásimi ótip jatyr. Bul – Qarýly kúshterge qabyldanǵan árbir azamattyń qasıetti serti. Bul kún sizderdiń jadylaryńyzda máńgi saqtalady dep senemin. Barshańyzǵa myqty densaýlyq, otbasylaryńyzǵa amandyq, áskerı qyzmette sáttilik tileımin», dedi «Batys» óńirlik qolbasshylyǵy áskerleriniń qolbasshysy general-maıor Baýyrjan Artyqov.
Ant qabyldaǵannan keıin sarbazdar qyzmettiń kelesi kezeńine – kishi mamandardy daıarlaý baǵdarlamasymen qarqyndy jaýyngerlik oqýǵa kirisedi. Alty aıdan soń olar artıllerıst, tankıst, baılanysshy, atqysh syndy áskerı mamandyqtardy meńgerip, tájirıbeli jaýyngerler qataryna qosylady. Jas sarbazdar elimizdiń toǵyz óńirinen shaqyrtylǵan.
Ata-analardyń uldarymen kezdesýi erekshe áserli boldy. Jas sarbazdyń anasy Farıda Janova óz qýanyshymen bólisti:
«Men Oraldan keldim, ulymdy qatty saǵyndym, bir aı kórmedik. Ol eseıip, shymyr bolypty. Komandırlerge úlken alǵys aıtamyn. Balalarymyz antyna adal bolyp, qyzmetterin abyroımen atqarsyn», dedi ol.
Resmı bólim aıaqtalǵan soń, jas sarbazdar saptyq daıyndyq, qoıan-qoltyq urystan, kózdi jumyp avtomatty bólshektep-jınaýdan mashyqtaryn kórsetti. Barlaý bólimsheleri tutqyndardy bosatý, qarý qoldaný jáne jaqyn urystaǵy sheberlikterin pash etti.
Qonaqtarǵa áskerı tehnıka men qarý-jaraq kórmesi uıymdastyrylyp, áskerı bólim komandırlerimen kezdesý ótti. Is-shara sońynda sarbazdar alǵashqy seıildemelerin alyp, ony jaqyndarymen birge ótkizdi.
Mańǵystaý oblysy
