Foto: gov.kz
Eýropalyq kýrorttar jazda qonaqtardyń kóp bolatynyn alǵa tartady. Mysaly, Italıadaǵy Paganella kýrortyna 2018-2019 jyldar aralyǵynda jazda kelýshiler qysqy aǵynnan asyp túsken.
Al taý velosıpedteri men treıl saıabaqtaryn týrıster shańǵy trassalaryna qaraǵanda jıi paıdalanatyndyqtan kiris artqan.
Alpine Hospitality Forum sarapshylary 2019 jyldan bastap Alpi taýlaryna shyǵýǵa jaz mezgilinde suranys «turaqty ósý úrdisin» kórsetip otyrǵanyn atap ótti. Bul ınstıtýsıonaldyq ınvestorlardy teńiz jaǵalaýyndaǵy ystyqqa qaraǵanda yńǵaıly balama bola alatyn taýly aımaqtardaǵy qonaqúıler portfelin eki esege toltyrýǵa ıtermelegen. Osynyń arqasynda klaster qarǵa táýeldi emestigi, aqsha birkelki bólinedi jáne bızneske «óli maýsym» degen uǵym kedergi keltire almaıtyny anyqtalyp otyr.
Almaty taý klasteri osy model negizinde damıdy. ATK-ǵa Almaty qalasynan 30 mınýtta jetýge bolatyndyqtan qonaqtar men qala turǵyndary jıi qatynaıdy. Osynyń esebinen qyzmet kórsetý oryndary da artyp keledi.
Búginde Almaty taý klasteriniń aýmaǵynda elimizdiń eki jetekshi týrıstik ortalyǵy – «Shymbulaq» jáne «Oı-Qaraǵaı» kýrorttary ornalasqan. Ekeýi de jyl boıy tartymdy ári turaqty nysan retinde óz tıimdiligin dáleldedi. Olardyń arasyndaǵy qatynastyń damýy (aspaly jol, velojoldar, jaıaý júrginshiler joldary, elektrobýs jelisi) bir týrıstiń ortasha bolý uzaqtyǵy men tutynýyn arttyra otyryp, biryńǵaı ıntegrasııalanǵan týrıstik keńistik qurýǵa múmkindik beredi.
