Forým aıasynda Otan aldyndaǵy azamattyq boryshyn úzdik atqaryp júrgen sarbazdardyń analaryna qurmet kórsetildi. Quqyqtyq tártip áskerinde qyzmet atqaratyn sarbazdardyń analaryna marapatty Ulttyq ulan Bas qolbasshysynyń tárbıe jáne áleýmettik-quqyqtyq jumystar jónindegi orynbasary Qaırat Úmbetov tabystady.
Sahnada turǵan sarbaz analaryna taǵy bir tosyn syı jasaldy – olar ár óńirde qyzmet atqaryp júrgen uldarymen qaýyshý qýanyshyna bólendi. Uıymdastyrýshylardyń aıtýynsha, sarbazdar ishki ister mınıstriniń orynbasary - Ulttyq ulannyń Bas Qolbasshysy quqyǵymen gramotalarmen marapattalyp, 10 kúndik demalys alǵan. Keı analar qýanyshtan kóz jastaryna erik berdi.
– Men Ulttyq ulannyń 5573 áskerı bóliminde qyzmet atqaramyn. Búgingi sharany uıymdastyrýshylar men ásker basshylyǵyna sheksiz rızashylyǵymdy bildiremin, – dedi qatardaǵy jaýynger Vladımır Anısımov.
Taǵy bir úlgili sarbaz – qatardaǵy Ádil Baıpaqov ta óz alǵysyn jetkizdi:
– Anamdy kórgenime qýanyshtymyn. Bul – men úshin eń baqytty sátterdiń biri. Qyzmetimdi joǵary baǵalaǵan basshylyqqa alǵysymdy aıtamyn, – dep atap ótti ol.
Merekelik shara Ulttyq ulannyń án-bı ansambli jáne basqa da kúshtik qurylymdardyń áskerı ónerpazdarynyń uıymdastyrýymen ótken konsertpen jalǵasty.
