Kenesarynyń eskertkishi ornyna qaıta qoıylǵannan keıin Erlan Qarın sol jerge baryp, vıdeo túsirdi.
– О́tken jyly Astanada Esildiń jaǵasynda turǵan Kenesary hannyń eskertkishi jóndeý jumystaryna baılanysty ornynan alynǵan kezde áleýmettik jelide biraz áńgime bolǵan edi. Qaıta-qaıta túsinikteme bergenime qaramastan, keıbir azamattar “Kenesarynyń eskertkishi múldem alynyp tastaldy” endi múldem ornyna qoıylmaıdy” degen sııaqty rastalmaǵan aqparat taratqan bolatyn. Al shyn mánisinde eskertkishke jóndeý jumystary qajet boldy. Sondyqtan ol ornynan alyndy, kerisinshe, ony burynǵymen salystyrǵanda bıiktigin de uzartatyn boldy. Mine, búgin sol jóndeý jumystary aıaqtalyp, eskertkish ornyna qoıyldy, – dedi ol.
Eske salaıyq, Astanadaǵy Esil ózeniniń jaǵasynda turǵan Kenesary hannyń eskertkishin 2023 jyly ornynan alynǵan edi.
Kenesary hannyń eskertkishi – Astananyń kórikti jerleriniń biri. Bul Qazaqstandaǵy eń keremet at sporty eskertkishteriniń biri bolyp sanalady, ol azamattardyń ǵana emes, týrısterdiń de tańdanysyn týdyrdy. Músinshi Nurlan Dalbaı men sáýletshi Shota Ýálıhanov jasaǵan músin – granıt tuǵyrǵa ornatylǵan at ústindegi hannyń qola músini.
