Foto: Ashyq derekkóz
Almasý úrdisi úsh kúnge sozyldy. Jeksenbi kúni taraptar 303 adamnan almasty. Reseı Qorǵanys mınıstrliginiń málimetinshe, bosatylǵan reseılik áskerı qyzmetkerler Belarýsııaǵa jetkizildi, onda olarǵa qajetti medısınalyq jáne psıhologııalyq kómek kórsetilýde.
Ýkraınanyń áskerı tutqyndar máseleleri jónindegi úılestirý shtabynyń habarlaýynsha, taraptar bıyldyqqa altynshy ret tutqyn almasyp otyr. Al eki el arasyndaǵy áskerı qaqtyǵys bastalǵaly mundaı almasý 65 márte bolypty. 2022 jylǵy naýryzdan beri kelissózder men tutqyn almasýdy úılestirý shtaby 5757 ýkraın azamatyn bosatqan. Taǵy 536 ýkraın azamaty almasýsyz qaıtarylǵan.
«Bostandyq alǵan áskerılerdiń bárine qajetti medısınalyq kómek kórsetilip, ońaltýdan ótedi, sonymen qatar tutqynda bolǵan ýaqyty úshin tıisti ótemaqy tólenip, bir rettik materıaldyq kómekti alady», delingen shtab habarlamasynda.
Bosatylǵandar qatarynda Áskerı-teńiz kúshteri, Áýe kúshteri, Desanttyq-shabýyldaýshy áskerler, Terrıtorııalyq qorǵanys kúshteri, sondaı-aq Ulttyq gvardııa, Memlekettik shekara qyzmeti jáne Memlekettik arnaıy kólik qyzmetiniń qyzmetkerleri bar.
